08:22 10 Dekabr 2019
Canlı yayım
  • USD1.7000
  • RUB0.0267
  • EUR1.8796
Polis əməliyyatı, arxiv şəkli

DİN narkotacirlərə qarşı əməliyyat keçirib – Tutulanlar var

Facebook / Baku Media Center
HADİSƏ
Qısa URL
11 0 0

Faktla bağlı saxlanılan şəxslər barəsində Nərimanov Rayon Məhkəməsinin qərarı ilə həbs qətimkan tədbiri seçilib, istintaq tədbirləri davam etdirilir

BAKI, 20 noyabr — Sputnik. Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinin əməkdaşları narkotik vasitələrin qanunsuz dövriyyəsi və alqı-satqısı ilə məşğul olan şəxslərə qarşı növbəti əməliyyat tədbiri həyata keçirib.

Bu barədə Sputnik Azərbaycan-a DİN-in Mətbuat Xidmətindən bildirilib.

Belə ki, əldə edilən əməliyyat məlumatı əsasında Yevlax rayon sakinləri Müqabil Məmmədov və əvvəllər məhkum olunmuş Rəşad Şükürov Nəsimi rayonu ərazisində saxlanılıblar. M.Məmmədovun üzərində şəxsi axtarış aparılan zaman 47,542 qram narkotik vasitə heroin, 49,862 qram psixotrop maddə metamfetamin, 52,324 qram tiryək və 19,236 qram qurudulmuş marixuana, digər şəxs R.Şükürovdan isə 51,710 qram narkotik vasitə tiryək aşkar edililərək götürülüb. Araşdırma zamanı M.Məmmədov və R.Şükürovun narkotik vasitələrin satışı ilə məşğul olduğu müəyyən edilib. Onların bir müddətdir ki, yaşadıqları Yevlax rayonundan Bakıya satış məqsədi ilə narkotik vasitə və psixotrop maddələr gətirdikləri məlum olub.

  • Bakıya psixotrop maddələr gətirənlər saxlanılıb
    © AR Ministry of Internal Affairs
  • Bakıya psixotrop maddələr gətirənlər saxlanılıb
    © AR Ministry of Internal Affairs
  • Bakıya psixotrop maddələr gətirənlər saxlanılıb
    © AR Ministry of Internal Affairs
  • Bakıya psixotrop maddələr gətirənlər saxlanılıb
    © AR Ministry of Internal Affairs
1 / 4
© AR Ministry of Internal Affairs
Bakıya psixotrop maddələr gətirənlər saxlanılıb

Faktla bağlı saxlanılan şəxslər barəsində Baş İdarənin İstintaq və Təhqiqat İdarəsində Cinayət Məcəlləsinin 234.4.3 (Qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, külli miqdarda törədildikdə) maddəsi ilə cinayət işi başlanılıb və barələrində Nərimanov Rayon Məhkəməsinin qərarı ilə həbs qətimkan tədbiri seçilib, istintaq tədbirləri davam etdirilir.

Əsas mövzular