Leyla Abdullayeva, Sputnik Azərbaycan
BAKI, 6 noyabr — Sputnik. Quba rayonunda 9 aylıq hamilə qadın intihar edib. Sputnik Azərbaycan-ın bölgə müxbirinin verdiyi məlumata görə, Qubanın Birinci Nügədi kəndində yaşayan 1996-cı il təvəllüdlü Əfsanə Eldar qızı Ağayeva özünü yaşadığı evin həyətindən asıb.
İlkin məlumata görə, gənc qadının intihar etməsinə səbəb ailə daxilində baş verən münaqişə olub. O, noyabrın 5-i axşam saatlarında ailədaxili münaqişədən sonra yaşadığı evin arxasına keçərək özünü asıb.
Ə.Ağayevə 9 aylıq hamilə olub.
Kənd sakinləri bildirilər ki, o, bundan əvvəl də dərman içərək intihar etməyə cəhd edib. Bu səbəbdən də rayon xəstəxanasında müalicə alıb.
23 yaşlı Əfsanə Ağayeva 2015-ci ildə Qubanın Yalavac kəndindən Birinci Nügədi kəndinə gəlin köçüb. Qadın Akif Ağayevla ailə həyatı qurub.
Hadisə yerində Quba rayon Prokurorluğunun və polis şöbəsinin əməkdaşları işləyir. Quba rayon Prokurorluğunda CM-nin 125-ci (özünü öldürmə həddinə çatdırma) maddəsi ilə cinayət işi açılıb.
