BAKI, 19 iyul — Sputnik. Tovuz rayonunda orta məktəb müəllimi hündürlükdən yıxılaraq ölüb.
Sputnik Azərbaycan "Report"a istinadən bildirir ki, rayon sakini, 1963-cü il təvəllüdlü Ələsgər Əli oğlu Rüstəmov öz evində iş görən zaman hündürlükdən yıxılaraq axır bədən xəsarətləri alıb. O, aldığı xəsarətlərdən yerindəcə keçinib.
Qeyd edək ki, Ə.Rüstəmov Tovuz rayonu Mahir Ələkbərov adına orta məktəbin tarix müəllimi olub.
Faktla bağlı Tovuz rayon Prokurorluğunda araşdırmalara başlanılıb.
