BAKI, 18 iyun — Sputnik. “Bu gün 08:00- radələrində metronun “Xalqlar Dostluğu” stansiyasında yaranan texniki nasazlıqla əlaqədar olaraq qatar stansiyada 8 dəqiqə dayanmalı olub. Daha öncəki qatar və sonrakı qatarın intervalı nəzərə alınaraq, ümumilikdə isə 12 dəqiqəlik fasilə yaranıb”.
Bu barədə Sputnik Azərbaycan-a açıqlamasında “Bakı Metropoliteni” Qapalı Səhmdar Cəmiyyətinin mətbuat katibi Bəxtiyar Məmmədov deyib.
O bildirib ki, qatardakı texniki nasazlıq aradan qaldırılsa da, qatar əlavə texniki baxış üçün depoya göndərilib
B.Məmmədovun sözlərinə görə, nasazlıq yaranan qatar öncəki nəsil qatarlardan olub və o hələ də istismar müddətini başa vurmayıb.
