BAKI, 8 may — Sputnik. Şəmkir rayonunun Qaracəmilli kəndində ağır yol qəzası baş verib. Sputnik Azərbaycan "Report"a istinadən xəbər verir ki, fəhlələri daşıyan "Mercedes-Sprinter" markalı mikroavtobus aşıb.
Hərəkətdə olan mikroavtobus idarəetmədən çıxaraq "VAZ-2107" markalı avtomobillə toqquşub. Zərbənin gücündən mikroabtobus aşaraq deformasiyaya uğrayıb.
Qəza nəticəsində 3 nəfər ölüb 8 nəfər müxtəlif dərəcəli bədən xəsarətləri alıb.
Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub. Yaralılar Şəmkir Rayon Mərkəzi Xəstəxanasına çatdırılıb.
Faktla bağlı araşdırma aparılır.
