BAKI, 22 aprel — Sputnik. Xəbər verdiyimiz kimi, aprelin 18-də Binəqədi rayonunun Sulutəpə qəsəbəsində it küçədə 2015-ci il təvəllüdlü Məmişov Hüseyn Qismət oğluna hücum edib. Quduzlaşmış it azyaşlının yanaq nahiyəsini parçaladıqdan sonra ölüb.
1 saylı Kliniki Tibbi Mərkəzə (KTM) aparılan yaralıya quduzluq əleyhinə zərdab vurulub. Səhiyyə Nazirliyindən Sputnik Azərbaycan-a verilən məlumata görə, azyaşlı artıq KTM-də palataya köçürülüb: “Uşağın vaksinləri vurulub, müalicəsi davam edir. Hazırda vəziyyəti yaxşıdır”.
Qeyd edək ki, cərrahi əməliyyat aparıldıqdan sonra azyaşlının yanağının parçalanmış hissəsi tikilərək bərpa edilib.
