Leyla Abdullayeva, Sputnik Azərbaycan
BAKI, 12 mart – Sputnik. Bu gün Bakı-Yalama magistral yolunun 142-ci km-də yol-nəqliyyat hadisəsi baş verib. Hadisə 20:30-da Şabranın Söhbətli kəndi ərazisində qeydə alınıb.
Sputnik Azərbaycan-ın bölgə müxbirinin verdiyi məlumata görə, Xaçmaz rayonundan Bakı şəhəri istiqamətində hərəkət edən 99-BC-848 dövlət qeydiyyat nömrəli yük maşını qarşıdan gələn “Kamaz”ı vuraraq yol kənarına aşırdıb.
Hadisə şahidlərinin sözlərinə görə, hadisə Bakı istiqamətində hərəkət edən maşının yoluna başqa avtomobilin çıxması səbəb olub. Bu zaman əyləcdən istifadə edən yük maşınının sürücüsü idarəetməni itirərək qarşı yola çıxıb və beləliklə hadisə baş verib. Nəticədə hər üç maşın bir-birinə dəyib, yol bir müddət bağlanıb.
Xoşbəxtlikdən hadisə zamanı ciddi xəsarət alan olmayıb.
