Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Tərtərdə erməni üçün çəkiliş aparan rusiyalı saxlanılıb

© Sputnik / Ramil IbrahimovTərtər rayonunun Yuxarı Qaradağlı kəndi
Tərtər rayonunun Yuxarı Qaradağlı kəndi - Sputnik Azərbaycan
Abunə olmaq
Polis araşdırmadan sonra videoçəkilişləri silib, İ.A.Alamaxmadoviç bundan sonra sərbəst buraxılıb

BAKI, 3 mart – Sputnik. Tərtərdə videoçəkiliş aparan Rusiya vətəndaşı saxlanılıb.

Sputnik Azərbaycan "Report"a istinadla xəbər verir ki, hüquq-mühafizə orqanlarından verilən məlumata görə, hadisə rayonun Bəyimsarov kəndində baş verib.

Cəbhə bölgəsi - Sputnik Azərbaycan
QARABAĞ
Tərtər istiqamətində gərginlik

Kənddə çəkiliş aparan Rusiyanın Krasnodar vilayətinin sakini İdiqov Alu Alamaxmadoviç polis əməkdaşları tərəfindən saxlanılıb.

Araşdırma zamanı məlum olub ki, Naftalan şəhərində sanatoriyada olan İ.A.Alamaxmadoviç video və foto çəkilişlərini erməni dostu üçün edib. İ.A. Alamaxmadoviç polisə ifadəsində bildirib ki, onunla eyni şəhərdə yaşayan erməni dostu anasının Qarabağ müharibəsindən əvvəl orda yaşadığını, indi kəndi və evini görmək istədiyini deyib. O, telefonundakı xüsusi proqram vasitəsilə Tərtərə gələrək kəndi və həmin evi tapib.

Polis araşdırmadan sonra videoçəkilişləri silib, İ.A.Alamaxmadoviç bundan sonra sərbəst buraxılıb.

Xəbər lenti
0