09:58 19 İyun 2019
Canlı yayım
  • USD1.7000
  • RUB0.0265
  • EUR1.9020
Post Patrul Xidmətinin avtomobilləri, arxiv şəkli

Bakıda müdhiş soyğun: İşsiz gəncəli müstəntiq xanımı qarət edib

© Sputnik / Murad Orujov
HADİSƏ
Qısa URL
10442 0 0

Prokurorluq əməkdaşı Bakı Beynəlxalq Avtovağzal Kompleksi ərazisində hücuma məruz qalıb

Ramella İbrahimxəlilova, Sputnik Azərbaycan

BAKI, 3 yanvar — Sputnik. Nərimanov Rayon Prokurorluğunun qadın müstəntiqi yeni ilin ilk günündə soyğunçuluğun qurbanı olub. Bu barədə Sputnik Azərbaycan-a Binəqədi Rayon Polis İdarəsindən məlumat verilib.

Məlum olub ki, yanvarın 1-i saat 19:15-də Bakı Beynəlxalq Avtovağzal Kompleksi ərazisində 28 yaşlı Bakı sakini, prokurorluqda müstəntiq işləyən Turan Bayram qızı Mirzəyevaya bir kişi hücum edib. Cinayətkar Mirzəyevanın əl çantasını alaraq qaçıb.

Bu zaman müstəntiqin çantasında 2550 manat pul və hesabında min manat olan bank kartı olub. Lakin soyğunçu çox da uzağa qaçmağa müvəffəq ola bilməyib.

Binəqədi RPİ-nin 40-cı polis bölməsinin əməkdaşlarının keçirdiyi əməliyyat-axtarış tədbirləri nəticəsində oğurluqda şübhəli bilinən şəxs saxlanılıb. Məlum olub ki, həmin şəxs Gəncə şəhərinin 36 yaşlı işsiz sakini Quliyev Sadiq Sahib oğludur.

Qeyd edək ki, saxlanılan şəxsin əvvəllər məhkumluğu olmayıb. Dindirilmə zamanı saxlanılan şəxs etiraf edib ki, o, cinayətə həyatında ilk dəfə əl atıb və onun ilkin təcrübəsi uğursuz alınıb.

Hazırda faktla bağlı araşdırma aparılır.

Əlaqədar

Soyğunçuların arzusu gözlərində qaldı
Bakıda bir gündə bir-birinə bənzəyən üç soyğunçuluq hadisəsi olub
Metroda soyğunçuluq edənlər saxlanılıb
Bakıda bir qrup soyğunçu ələ keçib
Teqlər:
müstəntiq, prokurorluq, polis, Nərimanov rayonu

Əsas mövzular