Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Bakıda fəhlələr yenə krana dırmaşıblar: "Maaşımızı verməsəniz, özümüzü atacağıq"

© Sputnik / Anar MustafayevYaşayış binasının tikintisi, arxiv şəkli
Yaşayış binasının tikintisi, arxiv şəkli - Sputnik Azərbaycan
Abunə olmaq
İntihara cəhd edən fəhlələri aldadaraq aşağı düşürüb polis şöbəsinə aparıblar

Ramella İbrahimxəlilova, Sputnik Azərbaycan

BAKI, 18 dekabr — Sputnik. Bakının Xətai rayonunun fəhlələri etiraz forması və təzyiq metodu kimi intiharla hədələməni seçiblər. Bu barədə Sputnik Azərbaycan-a Xətai Rayon Polis İdarəsindən məlumat verilib.

Бакинцы приходят почтить память погибших в страшном пожаре год назад - Sputnik Azərbaycan
HADİSƏ
Yasamalda intihara cəhd olub – VİDEO

Polis Gəncə prospektində yerləşən "Engener Constra" ASC tikinti şirkətində dekabrın 17-də baş verən xoşagəlməz insidenti araşdırır. Şirkətin icraçı direktoru, 39 yaşlı Pərviz Əkbərov Xətai Rayon Polis İdarəsinin 36-cı polis bölməsinə müraciət edib. O bildirib ki, 6 gün əvvəl şirkət bir neçə işçini işə götürüb.

İşçilərin işə qəbulu rəsmiləşdirilsə də, onlar öz vəzifə öhdəliklərini yerinə yetirməyiblər. Dekabrın 17-də şirkətin ofisinə gələn həmin şəhər sakinləri - Anar İstrafilov, Sabir Yarıyev və Emin İsmayılov işləmək arzularını ifadə ediblər. Lakin şirkətin rəhbərliyi işə səhlənkar yanaşdıqlarına görə, onlarla işləməkdən imtina edib.

Ancaq bu üçlük inadkarlıq edərək onlara təzminat ödənilməsini tələb edib. Onlar bir kranın üzərinə dırmaşıblar və şirkət onlara 4 min manat ödəməyəcəyi təqdirdə, özlərini oradan atacaqları ilə hədələyiblər.

Şirkətin əməkdaşları intiharın qarşısını almaq və ölümün baş verməsini ənəgəlləmək üçün işçilərin tələbini yerinə yetirərək onlara 4 min manat ödəyiblər. Pulu Yarıyevin qardaşı İbrahim Yarıyev götürüb. Yalnız bundan sonra işçilər aşağı eniblər.

Lakin aşağıda artıq etirazçıları polis gözləyirmiş. Polis onları vəziyyətin araşdırılması üçün şöbəyə aparıb.

Qeyd edək ki, Xətai RPİ-nin əməkdaşları üçün kranın köməyi ilə intihara cəhd edənləri zərərsizləşdirmək və istintaqa cəlb etmək elə də çətin deyil. Çünki onlar artıq bu vəziyyətə öyrəncəlidirlər.

Mobil rabitə qülləsi, arxiv şəkli - Sputnik Azərbaycan
HADİSƏ
Rabitə qülləsinə çıxan şəxs intihar etmək istədi

Belə ki, bu il sentyabrın 5-də tikinti şirkətinin 6 əməkdaşı bir neçə ay ərzində üst-üstə yığılmış əmək haqlarının verilməsi tələbi ilə krana dırmaşmışdı. Onlar əməkhaqları ödənilməyəcəyi təqdirdə özlərini krandan aşağı atacaqları ilə hədələmişdilər.

Bununla yanaşı, avqusun 28-də eyni şirkətin digər dörd fəhləsi Süleyman Vəzirov küçəsi, 17 ünvanında tikilməkdə olan binanın 16-cı mərtəbəsinə çıxaraq əmək haqlarının ödənilməsini tələb etmişdilər. Tələbləri qısa zamanda yerinə yetirilməsə, intihar edəcəklərini bildirmişdilər. Burada da məlum olmuşdu ki, tikinti şirkətinin rəhbərliyi işçilərə bir neçə aydır əməkhaqqı ödəməyib.

Xəbər lenti
0