BAKI, 14 dekabr — Sputnik. Bakı şəhəri, Yasamal rayonu, Ə.Əhmədov küçəsində yerləşən, "Şərur" MTK-ya məxsus binada intihara cəhd olub.
Bu barədə Sputnik Azərbaycan-a hadisə şahidləri məlumat verib.
Məlumata görə, təxminən 30 yaşı olan Vaqif adlı şəxs uzun müddətdir ki, psixoloji problemlərdən əziyyət çəkir: "Elə öz evinin eyvanına çıxmışdı. 3-4 aydır ki, psixoloji problemləri var. Deyəsən yaxınları onu xəstəxanaya aparmaq istəyirmiş. O da razı olmadığı üçün eyvana çıxıb intihara cəhd edib. Haradasa iki saata yaxın eyvanda qaldı. Sonra FHN əməkdaşları onu eyvandan düşürə bildi".
