Leyla Abdullayeva, Sputnik Azərbaycan
BAKI, 12 dekabr — Sputnik. Rusiya Federasiyasının Dağıstan Respublikasında azərbaycanlı qətlə yetirilib. Hadisə şahidlərinin Sputnik Azərbaycan-a verdikləri məlumata görə, hadisə dünən günorta saatlarında Dağıstan Respublikasının Dərbənd şəhərindəki "Vyadukt" TIR parkının ərazisində baş verib.
Əldə etdiyimiz məlumata görə, Mingəçevir sakini, 1978-ci il təvəllüdlü Cəfərov Cəfər bir yoldaşı ilə yeyib-içdikdən sonra, onların aralarında mübahisə yaranıb. Mübahisə get-gedə qızışıb və sonda məclis yoldaşı C.Cəfərovu ürək nahiyəsindən bıçaqlayıb.
Bıçaqlanan şəxs yola qaçaraq kömək çağırmağa çalışıb. Lakin aldığı xəsarətdən yolun ortasında yıxılaraq dünyasını dəyişib.
Hadisəni törədən şəxs ərazidən uzaqlaşıb. Onun adı hələlik bəlli olmasa da, şahidlərin sözlərinə görə, o da azərbaycanlıdır və Lənkəran sakinidir.
Hadisə şahidləri baş verənlərlə bağlı redaksiyamıza video-görüntü də göndəriblər. Videonu təqdim edirik:
