05:33 13 Noyabr 2018
Canlı yayım
  • USD1.7000
  • RUB0.0252
  • EUR1.9245
Həbs, arxiv şəkli

Gömrük mayoru rüşvət alarkən tutuldu

© Sputnik / Murad Orujov
HADİSƏ
Qısa URL
577 0 0

Vətəndaşdan 100 min manat rüşvət alan gömrükçü barədə cinayət işi açılacaq

BAKI, 7 noyabr — Sputnik. Dövlət Gömrük Komitəsinin (DGK) mayoru Ayaz Cəfərəliyev rüşvətə görə vəzifəsindən azad edilib.

DGK-nin Mətbuat və İctimaiyyətlə Əlaqələr İdarəsindən Sputnik Azərbaycan-a verilən məlumata görə, Bakı Baş Gömrük İdarəsi "İpək yolu" gömrük postuna təhkim olunan Baş Gömrük Mühafizə Xidmətinin "Şimal" gömrük mühafizə dəstəsinin böyük mühafizəçisi, gömrük xidməti mayoru Cəfərəliyev Ayaz Nəcəfqulu oğlu "İpək yolu" gömrük postunun 6-cı anbarında xidmət aparan zaman qulluq mövqeyindən sui-istifadə edərək "S3 Safety" MMC-nin ünvanına daxil olan yük nəqliyyat vasitəsinə baxış keçirdiyi üçün həmin şirkətin nümayəndəsi Rəhimov Rəşad İbrahim oğlundan 100 manat məbləğində qeyri-qanuni pul vəsaiti istəyib, Rəhimov Rəşad İbrahim oğlu da ona qeyri-qanuni olaraq 100 manat məbləğində vəsaiti verib.

Xidməti vəzifəsinin icrasına səhlənkar yanaşaraq, əmək vəzifələrini kobud şəkildə pozduğuna görə Azərbaycan Respublikası Dövlət Gömrük Komitəsi sədrinin müvafiq əmri ilə Baş Gömrük Mühafizə Xidmətinin "Şimal" gömrük mühafizə dəstəsinin böyük mühafizəçisi, gömrük xidməti mayoru Cəfərəliyev Ayaz Nəcəfqulu oğlu "Gömrük orqanlarında xidmət haqqında" Əsasnamənin 69-cu maddəsinə əsasən gömrük orqanlarından xaric edilib.

Cəfərəliyev Ayaz Nəcəfqulu oğlu və Rəhimov Rəşad İbrahim oğlu barəsində toplanmış materiallar hüquqi qiymət verilməsi üçün Azərbaycan Respublikasının Baş Prokurorluğuna göndərilib.

Əlaqədar

Gömrük Komitəsindən poçt idarələrinə ağlasığmaz ittiham
Gömrük rəsmisi "şirinlik vermə" məsələsinə toxundu
Gömrük Komitəsi "yük maşınları problemi"nə rəsmi münasibət bildirdi
Gömrük rüsumu ləğv edildi, hamı Aİ 92-nin ucuzlaşacağını gözləyir
Dövlət Gömrük Komitəsi Ermənistan mənşəli kartofla bağlı açıqlama yaydı
Teqlər:
Baş Prokurorluq, rüşvət, Həbs, Dövlət Gömrük Komitəsi

Əsas mövzular