15:50 22 Noyabr 2018
Canlı yayım
  • USD1.7000
  • RUB0.0259
  • EUR1.9368
Mehdiabad qəsəbəsində güclü küləyin yaratdığı fəsadlar

Məcburi köçkün şəhərciyində təbii fəlakət baş verib, yaralananlar var - VİDEO

© Sputnik / Irade CELIL
HADİSƏ
Qısa URL
780 0 0

Sakinlərin sözlərinə görə, bir nəfər qolundan zədə alıb

BAKI, 25 oktyabr — Sputnik. Bir neçə saat öncə xəbər vermişdik ki, güclü külək Mehdiabad qəsəbəsində məcburi köçkünlər üçün salınmış şəhərcikdə ciddi fəsadlara yol açıb. Bu barədə Sputnik Azərbaycan-a şəhərcik sakinləri məlumat vermişdilər. Onlar qeyd etmişdilər ki, güclü külək nəticəsində qaçqın şəhərciyində yerləşən binaların damı yerindən qopub.

Mehdiabad qəsəbəsində güclü küləyin yaratdığı fəsadlar
© Sputnik / Irade CELIL
Mehdiabad qəsəbəsində güclü küləyin yaratdığı fəsadlar

"Vəziyyət pisdir. Evin damı qopub düşdü. Uşaqlar qorxudan ağlayır. Nəsə olacağından narahatıq" — deyə sakinlər bildirirdilər. 

Sputnik Azərbaycan-ın əməkdaşı hadisə yerində olub. Aydınlaşdırıb ki, səhər saatlarında güclü külək Mehdiabad qəsəbəsindəki "Grand" şəhərciyindəki 10-cu binanın dəmir dam örtüyünü qarşı binanın eyvanlarına çırpıb.

Mehdiabad qəsəbəsində güclü küləyin yaratdığı fəsadlar
© Sputnik / Irade CELIL
Mehdiabad qəsəbəsində güclü küləyin yaratdığı fəsadlar

Hadisə nəticəsində mənzillərə ciddi ziyan dəyib. Eyni zamanda binanın altında park edilmiş avtomobil də ciddi zərər görüb. Sakinlərin sözlərinə görə, hadisə nəticəsində bir nəfər qolundan zədə alıb. Amma ehtimal edilir ki, yaralananların sayı daha çoxdur.

Qeyd edək ki, bu gün Bakı və Abşeron yarımadasında küləkli hava müşahidə olunur. Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin məlumatına görə, oktyabrın 26-dan küləyin sürəti daha da artacaq. Güclü şimal-qərb küləyinin oktyabrın 27-si səhərədək davam edəcəyi gözlənilir. Abşeron yarımadasında hava şəraitinin ötən günlə müqayisədə təzadlı dəyişəcəyi, atmosfer təzyiqinin xeyli yüksəlməsi fonunda güclü xəzri küləyinin əsəcəyi və havanın temperaturunun 10-12 dərəcə aşağı enəcəyi gözlənilir ki, bu da meteohəssas insanlar üçün əlverişsizdir. 

Əlaqədar

Güclü küləklə üzləşən pilotdan möhtəşəm eniş
Sürücülərə xəbərdarlıq edildi, külək var, ehtiyatlı olun
Şimşək, yağış, külək - Növbəti həftə belə başlayacaq
Evi külə dönən məcburi köçkün: "Qəsdən yandırıblar"
"Səsi külək adam" danışır, həm keçmişdən, həm də gələcəkdən

Əsas mövzular