BAKI, 28 sentyabr — Sputnik. "Mingəçevirdə "Azərbaycan İstilik Elektrik Stansiyası"nda baş vermiş qəza ilə bağlı araşdırmalar davam etdirilir. Mütəxəssislərin iştirakı ilə qurğulara baxış keçirilir".
Sputnik Azərbaycan xəbər verir ki, bu sözləri Baş prokuror Zakir Qaralov jurnlasitlərə açıqlamasında deyib. O bildirib ki, müstəntiqlər hadisə yerindədirlər.
"Biz ilk hallarda həm səhlənkarlıq, həm ciddi maddi pozuntular müəyyən edirik. İstintaq yeni başlayıb. İstintaqın nəticəsi haqqında məlumat veriləcək. "Azərenerji"nin yeni rəhbərliyi ilə birlikdə işimizin əsas məqsədi ondan ibarətdir ki, elektrik stansiyasında qısa zamanda təmir-bərpa işi həyata keçirilsin və gələcəkdə belə xoşagəlməz hadisə baş verməsin" — Baş prokuror vurğulayıb.
