BAKI, 8 sentyabr — Sputnik. Paytaxtın Nərimanov rayonunda fəaliyyət göstərən “Tonqal” restoranında avqustun 11-də üçü azyaşlı olmaqla 13 nəfərin qidadan zəhərlənməsi faktına görə rayon prokurorluğunda başlanmış cinayət işi üzrə zəruri istintaq tədbirləri davam etdirilir.
Bakı Şəhər Prokurorluğundan bildiriblər ki, Qasımov İlham İdris oğlu iş üzrə təqsirləndirilən şəxs qismində cəlb edilib. Ona Cinayət Məcəlləsinin 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddəsi ilə ittiham elan edilib və barəsində məhkəmənin qərarı ilə həbs qətimkan tədbiri seçilib.
