21:36 18 Noyabr 2018
Canlı yayım
  • USD1.7000
  • RUB0.0258
  • EUR1.9267
Əlində bıçaq tutumuş adam

Bakıda kişi arvadını bıçaqladı, qayınanasını öldürdü

© Sputnik / Murad Orujov
HADİSƏ
Qısa URL
131 0 0

Öldürülən qadının qızı 5 nömrəli Kliniki Şəhər Xəstəxanasına yerləşdirilib

BAKI, 29 avqust — Sputnik. Bu gün günorta saatlarında Bakının Nərimanov rayonunda qətl törədilib. Hüquq-mühafizə orqanlarından Sputnik-Azərbaycan-a bildiriblər ki, Ermənistanda doğulan 45 yaşlı Fəhmidə İsgəndərova cinayətin qurbanı olub.

Cinayət Nərimanov rayonunun 17-ci Polis Bölməsinin ərazisindəki Əliyar Əliyev küçəsində yerləşən evdə baş verib. İlkin araşdırma zamanı müəyyən olunub ki, İsgəndərova qızı və kürəkəni Cəsarət İsgəndərov arasında yaranan ailə münaqişəsi zamanı öldürülüb.

Dönər satıcısı işləyən kişi evə kefli halda dönüb. O, münaqişə zamanı bıçaqla həyat yoldaşına hücum edib. C. İsgəndərov qayınanası araya girməmişdən öncə həyat yoldaşına bıçaqla zərbə vurub. Sonra isə qızını müdafiə etməyə çalışan Fəhmidə İsgəndərovanı öldürüb.

Öldürülən qadının qızı 5 nömrəli Kliniki Şəhər Xəstəxanasına yerləşdirilib. Cəsarət İsgəndərov isə polis əməkdaşları tərəfindən saxlanılıb.

Qətl və ağır bədən xəsarəti yetirmə faktları ilə bağlı cinayət işi qaldırılıb.

Teqlər:
5 nömrəli Kliniki Şəhər Xəstəxanası, qayınana, bıçaq, Nərimanov rayonu, qətl

Əsas mövzular