Musa Muradlı, Sputnik Azərbaycan
BAKI, 20 avqust — Sputnik. Bərdədə at kişini vuraraq ölümcül hala salıb. Sputnik Azərbaycan-ın bölgə müxbirinin əldə etdiyi xəbərə görə, hadisə Bərdə rayonunun Hacallı kəndində baş verib.
Bərdə Rayon Mərkəzi Xəstəxanasından verilən məlumatda bildirilib ki, 1958-ci il təvəllüdlü Bərdə sakini Cəfərov Fəxrəddin Allahverdi oğluna at ağır bədən xəsarətləri yetirib. Dərhal xəstəxanaya çatdırılan F.Cəfərov reanimasiya şöbəsinə yerləşdirilib. Cəfərovun vəziyyətinin ağır olduğu qeyd olunub.
Hazırda hadisənin baş vermə səbəbləri araşdırılır.
