Rahim Zakiroğlu, Sputnik Azərbaycan
BAKI, 6 avqust – Sputnik. Lənkəranda boğulma hadisəsi baş verib.
Sputnik Azərbaycan-ın bölgə müxbirinin əldə etdiyi xəbərə əsasən, 1999-cu il təvəllüdlü Lənkəran rayonu Haftoni qəsəbə sakini Şaiq Əlizadə rayonunun Qurunba kəndi ərazisində dağlıq ərazidə qrunt və yağış sularından yaranmış süni göldə çimərkən boğulub. Hadisə yerinə dərhal Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu gələrək axtarışlara başlayıb. Mərhum Ş.Əlizadənin meyiti təxminən bir saat sonra Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən sudan çıxarılıb. Meyit müayinə olunması üçün aidiyyatı üzrə təhvil verilib.
Qeyd edək ki, Şaiq Əlizadə ailənin yeganə oğlan övlad uşağı olub. Faktla bağlı araşdırmalar davam edir.
