BAKI, 28 iyul — Sputnik. Quba rayonunun Qonaqkənd kəndi ərazində güclü yanğın başlayıb. Sputnik Azərbaycan APA-a istinadən xəbər verir ki, yanğın meşə massivinə də keçib.
Quba Dövlət Yanğında Mühafizə hissəsinin əməkdaşları, o cümlədən kənd sakinləri yanğının söndürülməsi üçün çalışır.
Kənd sakinlərinin verdiyi məlumata görə, təxminən 10 hektara yaxın ərazi yanıb.
Siyəzənin Əriziküş kəndi ərazisində qeydə alınan yanğın isə Şabranın Zöhrabkənd kəndinə keçib. Alovun meşəyə yayılması ehtimalı var.
Hər üç ərazinin dağlıq olması və güclü küləyin əsməsi yanğının söndürülməsini çətinləşdirir.
