İlham Mustafa, Sputnik Azərbaycan
BAKI, 19 aprel — Sputnik. Tovuz rayonunda intihar hadisəsi baş verib. Hadisə rayon mərkəzində qeydə alınıb. Sputnik Azərbaycan-ın bölgə müxbiri xəbər verir ki, rayon sakini, 1992-ci il təvəllüdlü Hacıyev Fazil Arif oğlu yaşadığı evin həyətində olan tövlədə özünü asaraq intihar edib.
İntihar edən şəxsi tanıyanlar onun 2016-cı ilin aprel döyüşlərinin iştirakçısı olduğunu bildiriblər. 2-ci qrup əlil olan Fazil Hacıyev Tovuzda dövlət idarələrinin birində tikinti sahəsində çalışıb. Yaxınları onun sinir pozğunluğundan əziyyət çəkdiyini, son 1 ayda aqressiv olduğunu, hadisə baş verən gün evdə kimsənin olmamasından istifadə edərək özünə qəsd etdiyini deyiblər.
Faktla bağlı Tovuz rayon Prokurorluğunda araşdırma aparılır.
