18:04 18 İyun 2019
Canlı yayım
  • USD1.7000
  • RUB0.0264
  • EUR1.9097
Bayıl yamacı

Bakıda təhlükə dərinləşir, əraziyə yaxınlaşmamaqla bağlı xəbərdarlıq edilir

© Sputnik / Murad Orujov
HADİSƏ
Qısa URL
137 0 0

Əziz Qaralov: "Hazırda ərazidə fəaliyyət göstərmək də təhlükəlidir"

BAKI, 12 fevral — Sputnik. "Bayıl yamacındakı sürüşmə sahəsi 6,9 hektar ərazini əhatə edir. Ərazidə olan çatların uzunluğu əvvəl 70 metr idisə, indi bu ölçü 220 metrə çatıb".

Bu sözləri Sputnik Azərbaycan-a açıqlamasında Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov deyib. O bildirib ki, təhlükəli zonada 106 ev siyahıya alınıb.

"Orada ərazinin 70 faizindən çoxu yaşıllıqdır. Bu ərazidə şam, zeytun və digər ağaclar əkilib. Sürüşmənin qarşısının alınması üçün müəyyən növ ağacların kökü 15 metrdən artıq getməlidir ki, kütləni saxlaya bilsin", — Qaralov qeyd edib.

Onun sözlərinə görə, ETSN-in əməkdaşları hər gün əraziyə baxış keçirirlər: "Ancaq vəziyyət o həddə çatıb ki, həmin çatların olduğu əraziyə çıxmaq təhlükəlidir. Ərazidə çoxsaylı çatlar əmələ gəlib. Və ərazi təhlükəli olduğu üçün keçmək mümkünsüzdür. Həmin ərazilərdə 20 metrlik yarğanlar əmələ gəlib. Çatlar isə uzanaraq yola qədər çatıb. Hazırda ərazidə fəaliyyət göstərmək də təhlükəlidir".

Əlaqədar

Sürüşmə zonasında son durum: Rəsmilər vəziyyətin ciddi olduğunu bildirirlər
Gözlənilən oldu: Bayıl yamacı sürüşdü, bir neçə ev dağılıb
Sürüşmə baş verən magistral bağlandı
Bu ərazilərdə torpaq sürüşməsi aktivləşib
Bakının sürüşən zonasından son xəbər
Teqlər:
Bayıl yamacı, Əziz Qaralov, ETSN, sürüşmə

Əsas mövzular