Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Azərbaycanda 1 qadın 9 nəfəri xəstəxanalıq edib aradan çıxdı

© Sputnik / Rahim MuradovLənkəran Rayon Mərkəzi Xəstəxanası
Lənkəran Rayon Mərkəzi Xəstəxanası - Sputnik Azərbaycan
Abunə olmaq
"Qəfildən qarşıda dönmə əməliyyatı etdi, mən maşını saxlaya bilmədim və toqquşduq"

Rahim Zakiroğlu, Sputnik Azərbaycan

BAKI, 12 yanvar — Sputnik. Bu gün Bakı-Astara magistral yolunun Lənkəran rayonu Ürgə kəndi ərazisindən keçən hissəsində, doqquz nəfərin xəsarət alması ilə nəticələnən avtomobil qəzası baş verib. Sputnik Azərbaycan-ın bölgə müxbirinin verdiyi məlumata əsasən, Bakı istiqamətində hərəkətdə olan 85-CA-442 dövlət nömrə nişanlı "Ford" markalı mikroavtobus 44-BO-008 dövlət nömrə nişanlı "KİA" markalı minik avtomobili ilə toqquşub.

Toqquşma səbəbindən "Ford" markalı mikroavtobus yoldan çıxaraq aşıb. Nəticədə mikroavtobusda olan sərnişinlərdən 9 nəfəri müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasına yerləşdirilib.

© Sputnik / Rahim MuradovLənkəran Rayon Mərkəzi Xəstəxanası
Lənkəran Rayon Mərkəzi Xəstəxanası - Sputnik Azərbaycan
Lənkəran Rayon Mərkəzi Xəstəxanası

Xəsarət alanlar  Bakı şəhər sakinləri, 1994-cü il təvəllüdlü Rzayev Rəşad Firudin oğlu, 1995-ci il təvəllüdlü Rzayeva Samirə Murad qızı, Lənkəran rayonu Vilva kənd sakini, 2000-ci il təvəllüdlü Həsənov Əli Ağahüseyn oğlu, Bəliton kənd sakini 1960-cı il təvəllüdlü Abbasova Bəstiqız və oğlu 1993-cu il təvəllüdlü Abbasov Rəşid, Lənkəran şəhər sakini, 1956-cı il təvəllüdlü Adıgözəl Rzayev və həyat yoldaşı, 1959-cu il təvəllüdlü Şahnaz Rzayeva, Yuxarı Nüvədi kənd sakini, 1975-ci il təvəllüdlü İlhamə Hüseynova və Lənkəran şəhər sakini, 1951-ci il təvəllüdlü Namiq Qarayevdir.

Mikroavtobusun sürücüsü Etiram Qəmbərovun Sputnik Azərbaycan-a verdiyi məlumata əsasən, o, Bakı istiqamətində hərəkətdə olarkən qarşıdan gələn "KİA" markalı minik avtomibli qəfildən yolda dönmə manevri edib və mikroavtobusun yoluna çıxıb: "Qəfildən qarşıda dönmə əməliyyatı etdi, mən maşını saxlaya bilmədim və toqquşduq".

Əldə edilən məlumata əsasən, minik avtomiblinin sürücüsü qadın olub və o, hadisə yerindən qaçıb. Faktla bağlı araşdırmalar davam etdirilir.

Xəbər lenti
0