Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Paytaxt sakinlərini hiddətləndirən hadisə düzməcə çıxdı

© Photo : 1news"Gənclik Mall" ticarət mərkəzi
Gənclik Mall ticarət mərkəzi - Sputnik Azərbaycan
Abunə olmaq
"Ərəb geyimində olanlar ərəblər yox, azərbaycanlı aktyorlar olub"

BAKI, 7 dekabr — Sputnik. Dünən bir neçə ərəb turistin Bakının məşhur ticarət mərkəzlərindən biri olan "Gənclik Mall"-da boğazına zəncir bağladıqları quzu və xoruzla gəzdikləri barədə xəbər vermişdik. Hüseyn Qəribov adlı vətəndaşın həmin hadisədən çəkdiyi fotonu da təqdim etmişdik.

Арабские туристы в Баку, фото из архива - Sputnik Azərbaycan
HADİSƏ
Ərəb turistlər Bakı sakinlərini heyrətə saldılar

Fotonun yuxarı hissəsində yazılmış "Mətbəx, Yemək otağı" sözləri hadisənin həqiqətən də Azərbaycanda baş verdiyini təsdiq edirdi. Buna baxmayaraq, məlumatı dəqiqləşdirmək üçün "Gənclik Mall"-la əlaqə saxlamağa çalışdıq. Lakin dünən cəhdimiz uğurlu alınmadı.

Bu gün isə "Gənclik Mall"ın PR meneceri Zaur Əzimzadə Sputnik Azərbaycan-a bildirdi ki, bu, əslində reklam çəkilişi olub: "Gənclik Mall"-da sadəcə reklam çəkilişi olub. Ərəb geyimində olanlar isə ərəblər yox, azərbaycanlı aktyorlar idi".

© Photo : Instagram / huseyngaribovGənclik Mall-da gəzişən ərəb turistlər
Gənclik Mall-da gəzişən ərəb turistlər - Sputnik Azərbaycan
Gənclik Mall-da gəzişən ərəb turistlər

Hadisədə digər bir məsələ də maraq doğurur. Biz bu xəbəri yayandan sonra sosial şəbəkələrdə hadisə ilə bağlı geniş müzakirə açıldı. Və hələ onların ərəb turistləri, yoxsa aktyor olması aydınlaşmamış, insanların çoxunun mövqeyində şəkildəkilərin ərəb turistləri olması şübhə belə doğurmadı.

Müzakirələr zamanı hamını ancaq bir sual maraqlandırırdı: Həmin şəxslər ticarət mərkəzinə necə daxil olublar, mərkəzin mühafizə xidməti bu məsələyə necə göz yumub?!

Yəqin ki, son zamanlar ölkəmizə axın edən ərəb turistlər haqqında neqativ yazılanların çoxluğundandır ki, cəmiyyət bu hadisəni də birmənalı həqiqət kimi qəbul edir və inanırlar ki, ərəblər bunu da edə bilərlər…

Xəbər lenti
0