Şahpəri Abbasova, Sputnik Azərbaycan
BAKI, 10 oktyabr — Sputnik. Qax şəhər sakini, 1990-cı il təvəllüdlü Zakir Fikrət oğlu Əhmədov yaşadığı evin həyətində santexnik işləri görərkən ehtiyatsızlığın qurbanı olub.
Sputnik Azərbaycan-ın bölgə müxbiri xəbər verir ki, rayonun gənc sakinini elektrik cərəyanı vuraraq öldürüb.
Z.Əhmədov həyətdə plastmas boruları yapışdıran ütüdən istifadə edirmiş. O, işini tamamlayarkən ehtiyatsızlıq edib. Bir neçə yerdən zədəli olan uzadıcı naqilin açıq hissəsinə əllə toxunub. Yer yaş olduğundan elektrik cərəyanı onu vuraraq yerindəcə öldürüb.
Əhmədov 1990-cı il oktyabrın 10-da Qax şəhərində doğulub və bu gün 27 yaşını qeyd edəcəkdi.
