BAKI, 29 sentyabr — Sputnik. Ötən gecə Bakı şəhərinin Xətai rayonu ərazisində yerləşən Xocalı parkında 2 meyit tapılıb. Sputnik Azərbaycan Lent.az-a istindən xəbər verir ki, metronun "Xətai" stansiyasının yaxınlığındakı parkda 2 kişi meyitinin olması barədə məlumat daxil olub.
İlkin araşdırmalar zamanı ölən şəxslərin üzərində zorakılıq əlaməti aşkarlanmayıb. Məlum olub ki, ölənlərdən biri 1968-ci il təvəllüdlü Bədəlov Mükafat Qulam oğludur. Digər şəxsin kimliyini isə dəqiqləşdirmək mümkün olmayıb.
Hər iki şəxsin tüfeyli həyat tərzi sürdüyü və küçələrdə gecələdiyi bildirilir. Onların spirtli içki qəbul edəndən sonra gecələdikləri yerdə öldükləri deyilir. Hazırda faktla bağlı araşdırma aparılır.
