Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Oğurluğun cəzası heç 40 dəqiqə çəkmədi

CC0 / lincerta / BikeVelosiped, arxiv şəkli
Velosiped, arxiv şəkli - Sputnik Azərbaycan
Abunə olmaq
Bakıda oğurluğa cəhd edən gənc polisdən qaçan zaman avtomobillə vurulub

BAKI, 16 sentyabr — Sputnik. Bakıda oğurluqda şübhəli bilinən gənc polisdən qaçan zaman avtomobillə vurulub.

"Report" xəbər verir ki, hadisə Nərimanov rayonunda baş verib.

Belə ki, rayonun Atatürk prospektində Veteranlar parkı adlanan ərazidə hələlik ad-soyadı məlum olmayan 19 yaşlı oğlan velosiped oğramağa cəhd göstərib. Bu zaman nəzarətçi hadisədən xəbər tutub və gənc oğlanın cəhdinin qarşısını alıb.

O, gənci polisə təhvil vermək üçün Daxili İşlər Nazirliyinin "102" zəng mərkəzinə zəng vurub. Əraziyə Nərimanov Rayon Polis İdarəsinin Çevik Polis Alayanın əməkdaşları gəlib. Bu zaman oğruluğa cəhd edən şəxs polisdən qaçmağa çalışıb.

Gənc qəfil parkın digər hissəsinə keçərkən onu taksi fəaliyyəti ilə məşğul olan "Mercedes" markalı avtomobil vurub. Yaralı təcili yardım vasitəsilə 1 saylı Kliniki Tibbi Mərkəzə yerləşdirilib. Həkimlər onun vəziyyətini ağır kimi qiymətləndirir.

Sürücü isə hadisədə günahının olmadığını deyib. Buna baxmayaraq o, Nərimanov Rayon Polis İdarəısinin əməkdaşları tərəfindən saxlanılıb.

Xəbər lenti
0