Rahim Zakiroğlu, Sputnik Azərbaycan
BAKI, 5 iyun — Sputnik. Masallının "Köhnə bazar" adlanan ərazisində faciəli hadisə baş verib. Sputnik Azərbaycan-ın bölgə müxbiri xəbər verir ki, rayonun Ərəb kənd sakini, 11 yaşlı Rəmzi Fətullayev yolu keçmək istəyərkən onu avtomobil vurub.
Qəza nəticəsində yaralanan Fətullayevi, elə qəza törədən sürücü Masallı Rayon Mərkəzi Xəstəxanasına çatdırıb. Uşaq müxtəlif dərəcəli bədən xəsarətləri ilə xəstəxananın Travmatologiya şöbəsinə yerləşdirilib.
Xəstəxanadan əldə etdiyimiz məlumata görə, hazırda yaralının vəziyyəti qənaətbəxşdir. Baş verən qəza ilə bağlı araşdırma aparılır.