BAKI, 24 may — Sputnik. "Bu günə qədər 11 nəfər gürzə sancması ilə mərkəzimizə müraciət edib". Bu sözləri Sputnik Azərbaycan-a Kliniki Tibbi Mərkəzin toksikologiya şöbəsinin müdiri Azər Maqsudov deyib.
Onun sözlərinə görə gürzə sancması ilə müraciət edənlər müayinə və müalicə edilkdikdən sonra evə buraxılıb: "Hələ ki, ölüm faktı qeydə alınmayıb. Amma mərkəzimizdə hazırda iki xəstə müalicə alır. Daha iki nəfər isə əqrəb sancması ilə müraciət edib. Həmin şəxslərdə zəhərlənməyə qarşı müəyyən tədbirlər həyata keçirilib və onlar evə göndərilib. Həşərat sancması ilə müraciət edənlərə yardım məsləhət xarakterli olub, onlar hospitalizasiya edilməyib".
