18:25 24 Avqust 2019
Canlı yayım
  • USD1.7000
  • RUB0.0259
  • EUR1.8816
Külək

Sıra daha bir rayonumuza çatdı: dağıntılar var

CC0 / Free-Photos / ветер
HADİSƏ
Qısa URL
4373 0 0

İsmayıllıda leysan yağışı ilə müşaiyət olunan güclü külək və dolu şəhər təsərrüfatına və kəndlərə ciddi ziyan vurub

BAKI, 23 may — Sputnik. Ötən gecə İsmayıllı rayonunda əsən güclü külək dağıntılara səbəb olub. Sputnik Azərbaycan-ın bölgə müxbiri xəbər verir ki, qasırğa qısa vaxtda İsmayıllı şəhərində 30-dan çox ağacı yaşayış binalarının, fərdi evlərin, elektrik naqillərinin üstünə aşırıb.

Təbii fəlakət zamanı elektrik və rabitə dirəkləri yıxılıb, naqillər qırılıb, əhaliyə verilən elektrik enerjisi kəsilib. Bir saatdan çox əsən güclü küləyin təsiri nəticəsində 20-ə yaxın yaşayış evinin və sahibkarlıq obyektinin dam örtüyü qopub, binaların üstünə yıxılan ağaclar divarlarda iri çatlar əmələ gətirib, mənzillərin içərisi su ilə dolub.

İsmayıllı rayonunda əsən güclü külək dağıntılara səbəb olub
© Sputnik / Ilham Ahmadov
İsmayıllı rayonunda əsən güclü külək dağıntılara səbəb olub

Şəhərin bəzi küçələrində yıxılan ağaclar avtomobillərin hərəkətinə mane olub. Küləyin təsiri nəticəsində bir neçə avtomobilə ciddi ziyan dəyib. 20-dən çox ağacın elektrik xətlərinin üzərinə aşması nəticəsində 10 kv-lıq və 10 yerdə 0.4 kv-lıq naqillər sıradan çıxıb.

Təbii fəlakət nəticəsində kənd təsərrüfatına və əkin sahələrinə də xeyli ziyan dəyib. Evlərin zirzəmilərinə su dolub. İsmayıllı şəhər 6 və 2 saylı tam orta məktəblərinin, İsmayıllı Şəhər Bələdiyyəsinin, 8 ümumi yaşayış binası və 10-a yaxın sahibkarlıq obyektinin dam örtüyü ciddi zərər görüb. Bir avtomobil, üzərinə ağac aşması nəticəsində yararsız hala düşüb.

İsmayıllı rayonunda əsən güclü külək dağıntılara səbəb olub
© Sputnik / Ilham Ahmadov
İsmayıllı rayonunda əsən güclü külək dağıntılara səbəb olub

Rayonun dağ kəndlərində leysan, dolu və külək evlərə, yardımçı tikililərə, o cümlədən meyvə-tərəvəz sahələrinə, taxıl sahələrinə də ziyan vurub. Yıxılan ağaclar yolların kəsilməsinə və nəqliyyatın hərəkətinin bir müddət məhdudlaşmasına səbəb olub.

Hazırda rayonda elektrik və rabitə xətlərinin bərpası üçün tədbirlər görülür, evlərin üstünə və küçələrə yıxılan ağaclar kəsilərək ərazidən götürülür. Rayon fövqəladə hallar komissiyasının nümayəndələri təbii fəlakət nəticəsində ziyan çəkən vətəndaşların müraciətlərini qəbul edir, evlərə, obyektlərə baxış keçirilir.

Əlaqədar

Təbii fəlakət daha bir bölgəmizdə dağıntılar törətdi
Şimal-qərb bölgəsində təbiətlə qarşıdurma yaşanır
Leyla Əliyeva: "İnsan fəaliyyəti təbiətin qanunlarını pozur"
Təbiət daha bir bölgəmizə amansız üzünü göstərdi
Azərbaycanda təbii fəlakət baş verib
Təbii fəlakət qurbanlarının sayı 41-ə çatdı
Teqlər:
elektrik naqili, dirək, İsmayıllı, elektrik, ağac, bina, leysan, külək, yağış

Əsas mövzular