BAKI, 8 may — Sputnik. Hadisə İstanbulun "Gayrettepe" metro stansiyasında baş verib.
Sputnik Azərbaycan "NTV"-ə istinadən xəbər verir ki, 9 yaşlı bir uşağın ayağı eskalatorun hərəkətdə olan pilləkənlərinə ilişib. Dərhal hadisə yerinə gələn texniklər eskalatorun hərəkətini dayandırıb. Uşağın ayağı xilasedicilərin köməyilə ilişdiyi yerdən çıxarılıb və o, təcili xəstəxanaya aparılıb.
Qəza ilə bağlı polis istintaq işi başladıb.
