09:14 13 Avqust 2020
Canlı yayım
  • USD1.7000
  • RUB0.0274
  • EUR1.9035
HADİSƏ
Qısa URL
206003

Ərdəbil Tibb və Səhiyyə Universitetinin rektoru Qüdrət İhvan Əkbəri şəhərdə bir evdə yandırıcı maddənin partlaması nəticəsində 7 nəfərin öldüyünü, 3 nəfərin yaralandığını bildirib

BAKI, 11 mart-Sputnik. İran İslam Respublikasının şimal-qərbində, tarixi Cənubi Azərbaycan torpağında, İRİ-nin keçmiş Şərqi Azərbaycan ostanının Ərdəbil şəhərində bir evdə baş verən partlayışda ilkin məlumata görə 7 nəfər ölüb, 3 nəfər yaralanıb.

Ərdəbil Tibb və Səhiyyə Universitetinin rektoru Qüdrət İhvan Əkbəri şəhərdə bir evdə yandırıcı maddənin partlaması nəticəsində 7 nəfərin öldüyünü, 3 nəfərin yaralandığını bildirib.

Sputnik Azərbaycan “akşam”a istinadla xəbər verir ki, Əkbəri yaralıların vəziyyətinin ağır olduğunu söyləyib.

İranın məhkəmə hakimiyyətinə bağlı “Mizan” xəbər agentliyi isə yaralı sayını 8 olduğunu bildirib. Partlayış səbəbiylə həyatını itirən şəxslərin sayının artmasından narahatlıq ifadə edilir.

Partlayışın səbəbi araşdırılır. İlkin məlumatlara görə, partlayışın çərşənbə gecəsi atəşfəşanlıq zamanı baş verdiyi deyilir.

İrandakı təqvimə görə ilin son çərşənbə gecəsi "Çərşənbə Suri" olaraq qeyd olunur. Təqvimə görə yeni il 21 martda başlayır. Bu bayram, hər il İranda onlarla adamın ölümünə, yüzlərlə insanın yaralanmasına səbəb olur.

Əlaqədar

İsrail Rusiyadan İrana bu sözü deməsini istədi
Prezidentin İran səfəri hansı dividendlər vəd edir?
İsmayıllıda partlayış törədildi, yaralılar var
Teqlər:
"Çərşənbə Suri", Partlayış, Ərdəbil Tibb və Səhiyyə Universiteti, Qüdrət İhvan Əkbəri, Ərdəbil, Şərqi Azərbaycan ostanı, Cənubi Azərbaycan, İran İslam Respublikası, İran

Əsas mövzular