Leyla Abdullayeva, Sputnik Azərbaycan
Ötən gecədən başlayaraq şimal bölgəsində müşahidə edilən soyuq, şaxtalı hava şəraiti səbəbindən Qusarın Hil və digər dağ kəndlərinin yollarını buz bağlayıb.
Analoji vəziyyət Qubanın bəzi kəndlərində də müşahidə edilir. Şaxtalı hava şəraiti yolların buzdan təmizlənməsinə mane olub. Hazırda bəzi yollarda buzlaşma hələ də qalır. Kəndlərlə yanaşı, şəhər ərazisindəki avtomobil yolları da buz bağlayıb, avtomobillərin hərəkəti çətinləşib.
Soyuq hava şəraiti şimal bölgəsini iflic edib
© Sputnik/ Leyla Abdullayeva
Hava şəraiti ilə əlaqədar bəzi kəndlərin elektrik enerjisi təminatında da problem yaranıb.
