11:16 28 İyun 2017
Canlı yayım
Post Patrul Xidmətinin avtomobilləri, arxiv şəkli

Piyadanı öldürüb qaçan sürücü tutuldu

© Sputnik / Murad Orujov
HADİSƏ
Qısa URL
2411

Hazırda vəfat etmiş qadının şəxsiyyətinin müəyyənləşdirilməsi istiqamətində tədbirlər davam etdirilir

BAKI, 9 fev — Sputnik. Sabunçu rayonunun polis və prokurorluq orqanları tərəfindən peşəkarlıqla həyata keçirilmiş təxirəsalınmaz istintaq və əməliyyat-axtarış tədbirləri nəticəsində, rayon ərazisində ölümlə nəticələnən yol nəqliyyat hadisəsini törədərək hadisə yerindən qaçmış sürücü müəyyən edilərək istintaqa cəlb edilib. Bu barədə Sputnik Azərbaycan Bakı şəhər Baş Polis İdarəsi və şəhər prokurorluğunun birgə məlumatına istinadən xəbər verir.

Belə ki, fevralın 4-də saat 08 radələrində paytaxtın Sabunçu rayonu ərazisində naməlum avtomobilin sürücüsünün yol hərəkəti və nəqliyyat vasitələrinin istismarı qaydalarını kobud surətdə pozaraq yolu keçən naməlum piyada qadını vurub hadisə yerindən qaçması və sonuncunun aldığı xəsarətlərdən orada ölməsi faktına görə rayon Polis İdarəsinin İstintaq Şöbəsində Cinayət Məcəlləsinin 263.2 (yol hərəkəti və nəqliyyat vasitələrinin istismarı qaydalarını pozma) və 264-cü (yol nəqliyyat hadisəsi yerindən qaçma) maddələri ilə cinayət işi başlanıb. Aparılmış təxirəsalınmaz istintaq-əməliyyat tədbirləri nəticəsində yol nəqliyyat hadisəsinin "Mercedes Benz E 200" markalı, 99-DH-407 dövlət qeydiyyat nişanlı avtomobilin sürücüsü Həsənov Emin Hüseyn oğlu tərəfindən törədilməsində əsaslı şübhələr olduğundan o, tutularaq istintaqa cəlb edilib.

Hazırda iş üzrə zəruri istintaq hərəkətləri, eləcə də vəfat etmiş qadının şəxsiyyətinin müəyyənləşdirilməsi istiqamətində tədbirlər davam etdirilir.

Əlaqədar

Hövsanda "Qazel" piyadanı vurdu
İki piyada keçidi istifadəyə verildi
Yol polisindən sürücülərə və piyadalara xəbərdarlıq
Piyadanı vurub öldürən sürücü hadisə yerindən qaçıb
Bakıdakı yol qəzalarının 55 faizi piyadaların vurulması ilə bağlıdır
Piyadanı vurub qaçan sürücü ələ keçdi
"Piyadaların qatili" ilə heç kəs məşğul olmur
Teqlər:
ölüm, prokurorluq, istintaq, Sabunçu, polis, sürücü

Əsas mövzular