19:40 22 Fevral 2019
Canlı yayım
  • USD1.7000
  • RUB0.0259
  • EUR1.9270
Cəbrayıl rayonu 1-11 saylı qəsəbələr

Biləsuvardakı iğtişaşa görə saxlanılanların sayı artır

© Sputnik / Ayaz Yaşılyarpaq
HADİSƏ
Qısa URL
377732

Daha 2 nəfər barəsində 3 aylıq həbs qərarı verilib

Ayaz Yaşılyarpaq, Sputnik Azərbaycan

BAKI, 30 dek — Sputnik. Xəbər verdiyimiz kimi, dekabrın 22-sində Biləsuvar rayonu ərazisində məskunlaşan Cəbrayıl köçkünləri, elektrik enerjisinin verilişindəki məhdudiyyətlərə etiraz olaraq yerli icra hakimiyyətinin inzibati binası önündə aksiya keçiriblər. Baş Prokurorluqla Daxili İşlər Nazirliyinin birgə yaydığı məlumata görə, razılaşdırılmamış aksiyanın qarşısı alınarkən 9 polis əməkdaşı xəsarət alıb, habelə 1 xidməti avtomobilin şüşələri sındırılıb. 

Biləsuvar rayonu ərazisində məskunlaşan Cəbrayıl köçkünləri
© Sputnik / Ayaz Yaşılyarpaq
Biləsuvar rayonu ərazisində məskunlaşan Cəbrayıl köçkünləri

İlkin məlumatda hadisənin fəal iştirakçısı kimi 3 nəfərin (Cəlal Quliyev, İlkin İsgəndərov və Gülağa Alməmmədovun) saxlanıldığı bildirilirdi. Bundan sonra iğtişaşa görə daha 2 nəfər — Quliyev Ülvi Məhəmməd oğlu və Fehruzlu Zaur Təbriz oğlu da saxlanılıb. Bu barədə Sputnik-in bölgə müxbirinə Ü. Quliyevin atası, Biləsuvardakı 5 saylı köçkün qəsəbəsində yaşayan Məhəmməd Quliyev məlumat verib.

"Onlar əvvəlcə polis tərəfindən şübhəli şəxs qismində 48 saat müddətinə saxlanılıblar. Sonra isə, Cəbrayıl Rayon Məhkəməsinin dekabrın 26-da çıxardığı hökmlə barələrində 3 aylıq həbs qətimkan tədbiri seçilib", — M. Quliyev bildirib.

Həbs olunan köçkünlər Cinayət Məcəlləsinin 186.2.2-ci (əmlakı qəsdən məhv etmə və ya zədələmə), 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (xidməti vəzifələrini yerinə yetirməsi ilə əlaqədar hakimiyyət nümayəndəsinə qarşı həyat və sağlamlıq üçün təhlükəli olan zor tətbiq etmə) maddələri ilə təqsirləndirilirlər.

Əlaqədar

Baş Prokurorluq: "Vətəndaşları kütləvi aksiyalara təhrik edirlər"
Bakıda qaz problemi ilə bağlı etiraz aksiyası keçirilib
Azərbaycanda hərbi vətənpərvərlik aksiyası başladı
Təhsil Nazirliyi qarşısında aksiya keçirilib
Azərbaycanda Türkiyəyə dəstək aksiyası
Teqlər:
saxlanılan, Biləsuvar, elektrik enerjisi, icra hakimiyyəti, Cəbrayıl, köçkün, aksiya, həbs

Əsas mövzular