BAKI, 12 dek — Sputnik. Bu gün Bakıda yaşayış binasında yanğın baş verib. Sputnik xəbər verir ki, hadisə Rəşid Behbudov küçəsində, 8 saylı məktəbin qarşısında yerləşən yaşayış binasında qeydə alınıb.
Binadakı evlərdən birində baş verən yanğının söndürülməsinə Fövqəladə Hallar Nazirliyinin (FHN) yanğınsöndürən briqadası cəlb edilib. Yanğınsöndürənlərin səyi nəticəsində yanğın söndürülüb və onun daha geniş əraziyə yayılmasının qarşısı alınıb.
