Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Dəhşətli qətlin pərdəarxası: Qatil kənddədir

© Sputnik / Hikmet OrhunDəhşətli cinayətin izləri hələ də evin döşəməsində qalmaqdadır
Dəhşətli cinayətin izləri hələ də evin döşəməsində qalmaqdadır - Sputnik Azərbaycan
Abunə olmaq
Qazaxda baş verən qeyri-adi qətlin təfərrüatları Sputnik-də.

Hikmət Orhun, Sputnik Azərbaycan

BAKI, 14 mart-Sputnik. Qazaxın Ermənistanla sərhəddə yerləşən Cəfərli kəndində yaşlı ər və arvad baltalanaraq öldürülüb. Hadisə martın 12-dən 13-ə keçən gecə baş verib. Qətlə yetirilən 1939-cu il təvəllüdlü Nəriman Bayraməli oğlu Osmanov və onunla qeyri-rəsmi nikah münasibətində yaşayan 1941-ci il təvəllüdlü Dünya Mehbulla qızı Bakıxanova evdə tək olublar. Onlar bu gün Cəfərli kənd qəbiristanlığında torpağa tapşırılıblar.

Hadisə yerinə çatandan bizi qarşılayan mərhumun qızı Məlahət Həsənovanın verdiyi məlumata görə, hadisədən ilk olaraq onların qonşuları — hazırda polis bölməsində dindirilmədə olan Nərminə xanım xəbər tutub: "Qonşu zəng elədi, dedi ki, Dünya, analığınız rəhmətə gedib. Atamızı bilmədik. Axşamüstü, təxminən saat 8-də gəlib, evə keçmək istəyəndə polislər buraxmadılar ki, daravazaya əl vurmayın, araşdırma gedir, atanız da ölüb".

tapança - Sputnik Azərbaycan
Açılmayan qətl
Məlahət xanımın bacısı Səbinə Musayeva deyir ki, cinayəti törədənlər mərhum və mərhuməyə olmazın işgəncə verib: "Arvadın başına hər iki tərəfdən balta ilə vurub, atamın boğazını vintaçan və simlə deşib, zülm verə-verə öldürüblər. Ev-eşiyi də dağıdıblar, içəri girəndə tanımadıq".

O qeyd edib ki, atası səs-küy sevmədiyindən kənddə qonşuları ilə belə əlaqə saxlamayıb. Odur ki, onun kiminləsə düşmənçiliyinin olmasına inanmırlar: "Nə qızlarının, nə oğlunun, nə özlərinin bir düşməni, sözləşdiyi adam olmayıb. Öz sakit həyatlarını yaşayan insanlar olublar. Ona görə də, heç kimdən şübhələnə bilmirik. Kiməsə şər atıb, günah sahibi olmaq istəmirəm".

© Sputnik / Hikmet OrhunQazax rayonunun Ermənistanla sərhəddə yerləşən Cəfərli kəndinin girişi.
Qazax rayonunun Ermənistanla sərhəddə yerləşən Cəfərli kəndinin girişi - Sputnik Azərbaycan
1/7
Qazax rayonunun Ermənistanla sərhəddə yerləşən Cəfərli kəndinin girişi.
© Sputnik / Hikmet OrhunHadisə baş verən gün Nəriman Osmanov və Dünya Bakıxanova evdə tək olublar.
Hadisə baş verən gün Nəriman Osmanov və Dünya Bakıxanova evdə tək olublar - Sputnik Azərbaycan
2/7
Hadisə baş verən gün Nəriman Osmanov və Dünya Bakıxanova evdə tək olublar.
© Sputnik / Hikmet OrhunDəhşətli cinayətin izləri hələ də evin döşəməsində qalmaqdadır.
Dəhşətli cinayətin izləri hələ də evin döşəməsində qalmaqdadır - Sputnik Azərbaycan
3/7
Dəhşətli cinayətin izləri hələ də evin döşəməsində qalmaqdadır.
© Sputnik / Hikmet OrhunCinayətkarlar mərhum və mərhuməyə olmazın işgəncələr veriblər.
Cinayətkarlar mərhum və mərhuməyə olmazın işgəncələr veriblər - Sputnik Azərbaycan
4/7
Cinayətkarlar mərhum və mərhuməyə olmazın işgəncələr veriblər.
© Sputnik / Hikmet OrhunQatillər həm də evin əşyaları dağıdıb otaqları tanınmaz hala gətiriblər.
Qatillər həm də evin əşyaları dağıdıb otaqları tanınmaz hala gətiriblər - Sputnik Azərbaycan
5/7
Qatillər həm də evin əşyaları dağıdıb otaqları tanınmaz hala gətiriblər.
© Sputnik / Hikmet OrhunHadisədən ilk olaraq qonşular xəbər tutub.
Hadisədən ilk olaraq qonşular xəbər tutub - Sputnik Azərbaycan
6/7
Hadisədən ilk olaraq qonşular xəbər tutub.
© Sputnik / Hikmet OrhunSakinlər fikrincə qatil kənddəndir.
Sakinlərin fikrincə qatil kənddəndir - Sputnik Azərbaycan
7/7
Sakinlər fikrincə qatil kənddəndir.
1/7
Qazax rayonunun Ermənistanla sərhəddə yerləşən Cəfərli kəndinin girişi.
2/7
Hadisə baş verən gün Nəriman Osmanov və Dünya Bakıxanova evdə tək olublar.
3/7
Dəhşətli cinayətin izləri hələ də evin döşəməsində qalmaqdadır.
4/7
Cinayətkarlar mərhum və mərhuməyə olmazın işgəncələr veriblər.
5/7
Qatillər həm də evin əşyaları dağıdıb otaqları tanınmaz hala gətiriblər.
6/7
Hadisədən ilk olaraq qonşular xəbər tutub.
7/7
Sakinlər fikrincə qatil kənddəndir.

Mirvari Osmanova da bacılarının sözünü təqdiqləyib. O, bildirib ki, sonuncu dəfə yanvar ayında görüşdükləri ata-anaları təqaüd alandan-alana kəndin arasında görünər, sonra da evə çəkilib, qapını bağlayıb, səssiz-küysüz yaşayarmışlar: "Qonşuyla söz alıb, söz verməyən adamlar idilər, təqaüdlərini alıb, bazarlıqlarını eləyib, yeyib-içib öz damlarının altından çıxmazdılar. Sonuncu dəfə üç ay qabaq bayramda görüşmüşdük. Atam kür adam idi, uşağın, böyüyün sözünü götürməzdi, ona görə də tək yaşamağı sevirdi. Oğlu Əkbər Osmanov isə Moskvada yaşayır".

Nəriman kişinin və Dünya xanımın ölümünün səbəbləri haqqında hər hansı bir məlumat olmasa da, izlər onları qətlə yetirənlərin evə qarət zəminində daxil olduğunu göstərir: "Evə həyətin girişində quraşdırılan sayğacdan işıqları söndürüb, qapının şüşəsini sındıraraq keçiblər. Balta ilə vurub, daha da işgəncə vermək üçün simlə, vintaçanla boğazlarını deşiblər. Tam ölmələri üçün ağızlarına yastıq tutub, otağı tərk ediblər. Evdən hər hansı bir əşya aparılmasa da, evin bütün əşyalarını dağıdıblar. Babamın şalvarının cibindən cəmi 20 qəpik pul çıxdı. Güman ki, onun üstündə olan bütün pulları götürüblər, başqa heç nə", — deyə mərhumun nəvəsi Gülşən Abbasova bildirib.

Sakinlər bu cür hadisənin kənddə birinci dəfə olduğunu, hələ də nə baş verdiyini doğru-dürüst başa düşə bilmədiklərini deyiblər. Onların fikrincə, ola bilsin, qatil kənddəndir. Amma ilk dəfə belə hadisə baş verdiyindən, hamı şokdadır. "Kim törədə bilər axı?! Hansı məqsədlə?! Şəhid vermişik, canımızdan can gedib, amma bu cür hadisə ilə qarşılaşdığımız olmayıb" — deyə kənd sakinlərindən biri bildirib.

Qeyd edək ki, Qazağın Cəfərli kəndi Ermənistanla sərhəddə yerləşir. Ehtimal var ki, Nəriman Osmanovu həyat yoldaşı ilə birlikdə öz evində qətlə yetirənlər, qonşu erməni kəndinin sakinləri olsun. Əvvəllər belə bir hadisə baş verməsə də, hər halda, bu, kənd sakinlərinin fikridir. Bununla yanaşı bir fikir də var ki, hadisəni ailəni yaxından tanıyan insanlar törədib. Moskvada yaşayan oğlanları Əkbər Osmanov ara-sıra onlara dolanışıq üçün pul göndərirmiş.

Faktla bağlı Qazax Rayon Prokurorluğunda Cinayət Məcəlləsinin 120.2.7-ci (iki və daha artıq şəxsi öldürmə) maddəsi ilə cinayət işi başlanıb, istintaq əməliyyat tədbirləri davam etdirilir.

Xəbər lenti
0