Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

Paytaxtın məşhur qızıl-zinət satışı mərkəzində "üsyan"

© Sputnik / Fuad HasanovQızıl-ziynət əşyalarının satışı ilə məşğul olan sahibkarlar univermağın qarşısında mitinq keçirir
Qızıl-ziynət əşyalarının satışı ilə məşğul olan sahibkarlar univermağın qarşısında mitinq keçirir - Sputnik Azərbaycan
Abunə olmaq
Moskva Univermağında 3 gündür aksiya keçirilir, qiymətli əşya tacirləri icarə haqlarının bahalığına etiraz edirlər, univermaqda vitrinlərin 90 faizi boşalıb

BAKI, 3 fev — Sputnik. Paytaxtın ən böyük ticarət mərkəzlərindən olan Moskva Univermağında etiraz aksiyası başlayıb və artıq 3-cü gündür proses davam edir. Univermaqda qızıl-ziynət əşyalarının satışı ilə məşğul olan sahibkarlar binanın qarşısına toplaşaraq, öz tələblərini yerinə yetməsini istəyirlər. Tələbləri isə icarə haqlarının endirilməsidir.

Bu gün qızıl-ziynət əşyalarının satışı ilə məşğul olan sahibkarlar yenidən univermağın qarşısında mitinq keçiriblər. Sputnik əməkdaşının ərazidə çəkiliş aparıdığını görən sahibkarlar bir-bir öz problemlərini sadalamağa başlayıblar.

"2-3 metr yerə görə bizdən 1500-2000 manat icarə haqqı alırlar. Dövran həmin dövran deyil ki, "qaz vurub-qazan dolduraq". Satış dayandığı üçün yer haqqını da ödəyə bilmirik", —deyə sahibkar Samir Verdiyev bildirib.

© Sputnik / Fuad HasanovBakının ən böyük ticarət mərkəzlərindən olan Moskva Univermağı.
Bakının ən böyük ticarət mərkəzlərindən olan Moskva Univermağı - Sputnik Azərbaycan
1/4
Bakının ən böyük ticarət mərkəzlərindən olan Moskva Univermağı.
© Sputnik / Fuad HasanovQızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib.
Qızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib - Sputnik Azərbaycan
2/4
Qızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib.
© Sputnik / Fuad HasanovSahibkarlar deyir, satış dayandığı üçün yer haqqını da ödəyə bilmirik.
Sahibkarlar deyir, satış dayandığı üçün yer haqqını da ödəyə bilmirik - Sputnik Azərbaycan
3/4
Sahibkarlar deyir, satış dayandığı üçün yer haqqını da ödəyə bilmirik.
© Sputnik / Fuad HasanovUnivermaqdakı ənənəvi müştəri sıxlığından əsər-əlamət yoxdu.
Univermaqdakı ənənəvi müştəri sıxlığından əsər-əlamət yoxdu - Sputnik Azərbaycan
4/4
Univermaqdakı ənənəvi müştəri sıxlığından əsər-əlamət yoxdu.
1/4
Bakının ən böyük ticarət mərkəzlərindən olan Moskva Univermağı.
2/4
Qızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib.
3/4
Sahibkarlar deyir, satış dayandığı üçün yer haqqını da ödəyə bilmirik.
4/4
Univermaqdakı ənənəvi müştəri sıxlığından əsər-əlamət yoxdu.

Dolların qalxması, manatın dəyərdən düşməsindən sonra, digər malların qiymətlərində baş verən bahalaşma qızıl-ziynət əşyalarının qiymətinin qalxmasına da səbəb olub. Qızılın qiymətinin bahalaşmasından sonra isə univermaqda qızıl-ziynət əşyalarının satışında kəskin azalma baş verib. Belə olduqda da sahibkarlar aylıq icarə haqlarını ödəyə bilmirlər.

Məsələ ilə bağlı qarşı tərəfin də fikrini öyrənmək üçün Moskva Univermağının administratoru Elman Hacıyevlə görüşdük. Bizi öz otağında qəbul edən E. Hacıyev, yaxın 3-4 gün ərzində yer haqları ilə bağlı müəyyən güzəştlərin ediləcəyini söylədi.

"Əlbəttə, biz də bilirik ki, böhran dövrüdür. Ancaq bu böhran tək qızıl-satışı ilə məşğul olanlara təsir etməyib ki?! Bütün sahələrə təsir edib", —deyə administrator bildirdi.

Univermaq təmsilçisinin sözlərinə görə, böhran onların özlərinə də təsirsiz ötüşməyib: "Bizim özümüz də ziyan çəkirik. Ona görə, sahibkarlar bir az səbrli olsunlar. Yaxın bir neçə günə onların problemi həll olunacaq".

Bildirək ki, hazırda Univermaqdakı qızıl-zinət satılan vitrinlərin 90 faizdən artığı fəaliyyətini dayandırıb.

Xəbər lenti
0