Yeni təcili tibbi yardım avtomobilləri  - Sputnik Azərbaycan, 1920
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Baş infeksionist COVID-19-a yoluxmanın əsas səbəbini açıqladı

© REUTERS / MOLLY DARLINGTONТесты на коронавирус, фото из архива
Тесты на коронавирус, фото из архива - Sputnik Azərbaycan, 1920, 04.06.2021
Abunə olmaq
Onun sözlərinə görə, havanın temperaturunun 25 dərəcədən yüksək olması belə virusun yayılmasının qarşısını almır.

BAKI, 4 iyun — Sputnik. "COVID-19-un fəsilliyinin olması barədə dəqiq məlumat yoxdur". Sputnik Azərbaycan-ın məlumatına görə, bu sözləri bu gün Səhiyyə Nazirliyinin baş infeksionisti Təyyar Eyvazov qurumun instaqram səhifəsində canlı yayımdakı çıxışında bildirib. Onun sözlərinə görə, havanın temperaturunun 25 dərəcədən yüksək olması belə virusun yayılmasının qarşısını almır. O bildirib ki, infeksiyanın yayılmasının əsas səbəblərdən biri insanların yaxın təmasda olmasıdır.

"Fəslin koronavirusa təsiri varmı, bunu hələ bilmirik. Zamanla bu suala da aydınlıq gətiriləcək", - deyə T. Eyvazov bildirib.

Baş infeksionist qeyd edib ki, qapalı məkanlarda, havalandırma olmayan yerlərdə bir nəfərin xəstə olması daha çox insanın virusa yoluxmasına səbəb olur. O bildirib ki, qış aylarında insanlar daha çox qapalı yerlərdə olduqları üçün yoluxmalar çox olur: "Yay aylarında isə havalandırma olduğu üçün yoluxanların sayı da az olur".

T.Eyvazov onu da qeyd edib ki, kollektiv immunlaşma mütləqdir. Bəzi insanlarda əks göstərişlər olduğu üçün vaksinasiya oluna bilmirlər. Kollektiv immunlaşma ilə bu cür vaksinasiya oluna bilməyən insanları da qorumuş olarıq".

Xəbər lenti
0