BAKI, 28 aprel — Sputnik. Ölkə üzrə ən çox COVID-19-a yoluxma halı Bakı şəhəri üzrə qeydə alınıb. Sputnik Azərbaycan koronavirusinfo.az-a istinadən xəbər verir ki, bu günə olan məlumata görə, COVID-19-a yoluxmanın 54,2 faizi Bakının payına düşüb. Bölgələr üzrə ən çox yoluxma Gəncə-Qazaxın payına düşüb. Belə ki, qeyd olunan ərazilər üzrə yoluxma ümumi yoluxmanın 7,5 faizini təşkil edib.
Qeyd edək ki, bu günə olan statistikaya görə, ölkədə COVID-19-a yoluxanların sayı 315 min 119 olub. 4 min 429 nəfər isə dünyasını dəyişib. Hazırda aktiv koronavirus xəstələrinin sayı 27 min 904-dür.
