Eldar Tanrıverdiyev, Sputnik Azərbaycan
BAKI, 5 mart — Sputnik. "Necə gözəl hekayə. Yaralı əsgər və hərbçilərimizə oftalmologiya sahəsində göstərilən tibbi yardıma görə biz İsrail həkim komandası və İsrailin Azərbaycandakı səfirliyinə minnətdarıq". Sputnik Azərbaycan xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev öz "Twitter" səhifəsində yazıb.
"Bir həyatı xilas edən bütün dünyanı xilas edir", - deyə Hikmət Hacıyev bildirib.
Such a great story. We are thankful to Israeli medical team and @IsraelinAZ for providing health support in ophthalmology for our wounded soldiers/officers. It is also sign of friendship between our countries. @GeorgeDeek @yashat_fondu
— Hikmet Hajiyev (@HikmetHajiyev) March 5, 2021
"Whoever saves one life, saves the world" https://t.co/vXE16zRUfn
Qeyd edək ki, ötən gün İsrailin Azərbaycandakı səfiri Corc Dik Akademik Zərifə Əliyeva adına Milli Oftalmologiya Mərkəzinə baş çəkib.
"Bu gün mənim üçün həyəcanlı bir gündür. Səkkiz nəfər israilli həkim, tibb bacıları, texniklər və ağ geyimli mələklərin Azərbaycana gələrək 150-dən çox azərbaycanlını müalicə etdikləri Akademik Zərifə Əliyeva adına Milli Oftalmologiya mərkəzini ziyarətimi bitirdim. Bu gün tanış olduğum insanlar, bəziləri on doqquz və daha böyük fərqli yaşlarda olan insanlar mümkün olan ən yaxşı müalicəni alırlar.
İsrail həkimlərindən biri ilə danışdım. O dedi ki, dörd gün ərzində burada İsrail klinikalarında 6 ayda icra etdiyi əməliyyatlardan daha çox əməliyyat keçirib. Məhz bu bizim işbirliyimizin ruhudur. Bu, İsrail ilə Azərbaycan arasındakı dostluğun ruhudur.
Azərbaycandakı bu insanların sağlamlıqlarını bərpa etmələrinə, özlərinə inamın, qabiliyyətlərinin geri qayıtmasına və Azərbaycanda - öz vətənlərində yaxşı, normal və layiq olduqları həyat yaşamalarına kömək etmək istəyirik. İnanıram ki, bu ölkələrimiz arasında dostluğun əlamətidir. İnanıram ki, dostluğumuz gələcəkdə daha da inkişaf edəcək və daha da çiçəklənəcək", - deyə Corc Dik vurğulayıb.
