BAKI, 27 fevral - Sputnik. Fevralına 26-da Azərbaycan Respublikasında yeni koronavirus (COVID-19) infeksiyasına qarşı 23939 nəfər vaksinasiya olunub.
Bu barədə Sputnik Azərbaycan-ın sorğusuna cavab olaraq Azərbaycan Nazirlər Kabineti yanında Operativ Qərargahdan bildirilib.
Hazırkı dövrədək ölkəmizdə koronavirus infeksiyasına qarşı 257723 nəfər peyvəndlənmə prosesində iştirak edib. Vaksinasiya Respublikamızın bütün rayonlarında uğurla davam etdirilir.
Qeyd edək ki, Azərbaycanda koronavirus əleyhinə vaksinasiya 2021-ci il yanvarın 18-dən başlanıb. Vaksinasiyada Çinin SinoVac şirkətinin CoronaVac peyvəndindən istifadə olunur.
