16:36 01 Dekabr 2020
Canlı yayım
  • USD1.7000
  • RUB0.0274
  • EUR1.9035
SƏHİYYƏ
Qısa URL
140 0 0

"Hazırda hərbi vəziyyətlə bağlı həkim qıtlığı da müşahidə olunmur. Çünki, ölkəmizdə yerli həkimlərlə yanaşı, koronavirusla mübarizəyə Kubadan gətirilən həkimlər də cəlb edilib"

Zülfiyyə Quluyeva, Sputnik Azərbaycan

BAKI, 15 noyabr — Sputnik. Ümumdünya Səhiyyə Təşkilatının (ÜST) Azərbaycandakı nümayəndəliyinin rəhbəri Hande Harmancı mətbuata açıqlamasında bildirib ki, Azərbaycanda səhiyyə sistemi pandemiya ilə mübarizənin öhdəsindən gəlir. Lakin rəqəmlər bu sürətlə artmağa davam edərsə, çətin vəziyyətlə üzləşə bilərik. Onun sözlərinə görə, Azərbaycandakı hazırkı yoluxma göstəricisinin ölkə əhalisinin sayına görə yüksək olub-olmadığını müəyyənləşdirmək üçün yoluxma hallarının sayında artımın davamlılığı müəyyən müddət müşahidə edilməli və bununla bağlı dəqiq hesablamalar aparılmalıdır.

Koronavirus testi, arxiv şəkli
© George Frey / Getty Images / AFP

Sputnik Azərbaycan ölkəmizdə koronavirusa yoluxma sayının artması risikini araşdırıb.

Professor Adil Qeybulla Sputnik Azərbayacan-a açıqlamasında bildirib ki, virusa yoluxma ilə bağlı xəbərdarlıqlar boş-boşuna səslənən fikirlər deyil: "Dağlıq Qarabağda qazandığımız zəfərdən sonra yürüşlər keçirildi. Bu yürüşlər koronavirusa yoluxma sayına sözsüz ki təsirsiz ötüşməyəcək. Əlbəttə ki, yoluxma sayı artdıqca hətta səhiyyəsi inkişaf etmiş ölkələrdə də problemlər ortaya çıxır. Ona görə də çalışmalıyıq ki, virusa yoluxma sayı artmasın".

A. Qeybullanın sözlərinə görə, hazırda Azərbayacanda koronovirusla mübarizə ÜST-ün tövsiyyəsi ilə yüksək səviyyədə aparılır: "Ağır xəstələr xəstəxanada, virusu yüngül keçirdənlər isə ev şəraitində müalicə alırlar. Amma nəzərə almaq lazımdır ki, virusa yoluxma sayının artması fonunda ağır xəstələrin də sayı arta bilər. Bu isə, xəstəxanalarda, reanimasiyalarda yer çatışmazlığına səbəb olacaq. Nəzərə almaq lazımdır ki, hazırda ölkəmizdə hərbi vəziyyət hökm sürür".

Professor hazırki vəziyyətdə çıxış yolunun virusa yoluxmanın qarşısını almaq olduğunu söyləyir: "Çalışmalıyıq ki, bu say artmasın. Amma bir neçə gündür ki, insanların kütləvi toplaması müşahidə olunur. Bu isə sözsüz ki, virusa yoluxma sayının artmasına gətirib çıxardan amildir. Ona görə də, bizim səhiyyəmiz nə qədər hazırlıqlı olsa da, virusa yoluxma sayının artması ağır nəticələrə səbəb ola bilər".

TƏBİB-də yeni yaradılan İctimaiyyətlə əlaqələr şöbəsinin məsləhətçisi Elnarə Baxış isə Sputnik Azərbaycan-a açıqlamasında bildirib ki, koronavirusa yoluxma sayının artması arzuolunan hal olmasa da, kifayət qədər çarpayı fondu var: "Hazırda hərbi vəziyyətlə bağlı həkim qıtlığı da müşahidə olunmur. Çünki, ölkəmizdə yerli həkimlərlə yanaşı, koronavirusla mübarizəyə Kubadan gətirilən həkimlər də cəlb edilib".

Səhiyyə Nazirliyindən isə bildirdilər ki, Səhiyyə naziri Oqtay Şirəliyev koronovirusla bağlı Azərbaycanda vəziyyəti şərh edib: "Oqtay Şirəliyev 73-cü Ümumdünya Səhiyyə Assambleyasının onlayn sessiyasında çıxışı zamanı bildirib ki, görülən tədbirlər nəticəsində hazırda ölkədəki koronavirus epidemiyası tamamilə idarə olunur. Onun sözlərinə görə, bu günə qədər 10 milyon əhalisi olan bir ölkədə təxminən 60 000 insanın xəstələnib, 1,3 milyondan çox test keçirilib, xəstəlikdən irəli gələn ölüm halları 1,3% təşkil edib".

Əsas mövzular