Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Mammoloq qadınlara pəhrizdən uzaq durmağı tövsiyə edir

CC0 / rawpixel / Cuisine Девушка во время обеда
Девушка во время обеда - Sputnik Azərbaycan
Abunə olmaq
Onkoloq pəhrizləri qadınlar üçün “əzab” adlandırıb, onun fikrincə, qadınlar pəhrizə görə pis əhvalda olurlar. O, arıqlamaq istəyənlərə deyir ki, ürəkləri istədiyi hər şeyi yesinlər, amma az miqdarda.

BAKI, 2 noyabr – Sputnik. Pəhrizlər orqanizm üçün stresdir, onlar bitəndə isə çəki əvvəlki göstəricilərinə qayıdır.

Sputnik Azərbaycan bildirir ki, bunu Gertsen adına Moskva Elmi-Tədqiqat Onkologiya İnstitutunun Reproduktiv Orqanların Onkologiyası Milli Mərkəzinin rəhbəri, Rusiya Mammoloqlar Assosiasiyasının prezidenti Nadejda Rojkova deyib.

“Piylənmə çox pis amildir, o, gerçəkdən də xərçəngin inkişaf etməsinə rəvac verir, amma mən hansısa pəhrizin saxlanılmasının tərəfdarı deyiləm”, - mütəxəssis deyib.

O, pəhrizləri qadınlar üçün “əzab” adlandırıb, onun fikrincə, qadınlar pəhrizə görə pis əhvalda olurlar. Rojkova arıqlamaq istəyənlərə deyir ki, ürəkləri istədiyi hər şeyi yesinlər, amma az miqdarda.

“Bu, ən asanıdır, düzünü deyim ki, bunların hamısını öz təcrübəmdən bilirəm, çünki köklüyə meylliyəm”, - mütəxəssis əlavə edib.  

O deyib ki, müxtəlif pəhizlər saxlayıb, amma onlar bitən kimi çəkisi geri qayıdıb.

“Hər şey yemək olar: hətta səhər çağı qəhvə ilə pirojna da. Amma pirojna gərək çox xırda olsun”, - həkim bildirir.  

Onun məsləhətinə görə, bir neçə öyün və az-az yemək lazımdır ki, qidanı orqanizm “yandıra” bilsin, artıq heç nə qalmasın, enerji təminatı da tükənməsin.

“Ən sadə üsul budur, əsas odur ki, qadın özünü bədbəxt hiss eləmir, o, konfet də, peçenye də yeyə bilər, amma gərək porsiyalar çox az olsun”, - Rojkova deyib.

Xəbər lenti
0