21:08 16 İyul 2020
Canlı yayım
  • USD1.7000
  • RUB0.0274
  • EUR1.9035
SƏHİYYƏ
Qısa URL
Azərbaycanda koronavirus: son xəbərlər (220)
14710

"Test cavabları 5-7 gün ərzində belə yubanır və bəzən xəstə ağır pnevmoniya mərhələsində olduğu üçün test cavabı neqativ çıxır" - Həkim Aqşin Salmanov

BAKI, 16 iyun — Sputnik. "Hörmətli vətəndaşlar, hazırda Bakı şəhərində koronavirusla bağlı vəziyyət qırmızı həddə yaxınlaşır. İnsanlar evlərdə pnevmoniyadan boğula-boğula günlərlə təxliyə gözləyirlər. Bir çox viruslu xəstələr dözməyərək özləri KT olunmaq üçün özəl klinikalar və digər xəstəxanalara gedir və KT cavabında virusun yaratdığı ağır simptomlar görünür. Sonra onlar apteklərə, marketlərə girir və evə qayıdırlar.

Təcili yardim xəstələri əvvəlki kimi sürətli aparmır və ümumiyyətlə, yer olmadığını bildirir. Ailə üzvləri xəstəni maşına qoyub "Semaşko" adlanan 1 saylı klinik xəstəxanaya, Mərkəzi Gömrük Hospitalına aparırlar və onları orada qəbul etmirlər. Test cavabları 5-7 gün ərzində belə yubanır və bəzən xəstə ağır pnevmoniya mərhələsində olduğu üçün test cavabı neqativ çıxır. Bu zaman hadisələr daha pis cərəyan edir və xəstə futbol topu kimi burdan-ora, ordan-bura ötürülür. Ona görə də bu gün hər yerdə ağır xəstədən tutmuş yüngül simptomlu daşıyıcıya kimi rastlaşa bilərsiniz".

Sputnik Azərbaycan xəbər verir ki, bu barədə həkim Aqşin Salmanov məlumat verib. O bildirib ki, aprel-may aylarında xəstələnməyən market, aptek və s. işçilərinin çoxu məhz bu günlərdən sonra, yəni iyulun əvvəllərində ciddi mənada virusa yoluxacaqlar: "3 gündür ki, müxtəlif tibbi qruplarda, eləcə də jurnalistlərdən bir neçəsi xəstə ata-anasını yerləşdirməyə yer tapmır və çarəsizcə boğulan valideyninə baxıb haray qaldırıb. Bütün bunları nəzərə alaraq sizə bir neçə tövsiyəm var:

- Baxmayaraq ki, ölkədə sərt karantin rejimi yoxdur, siz özünüz üçün sərt karantin elan edin.

- Yaşlı insanları evdən çıxmağa qoymayın

- Zəruri ehtiyac olmadıqca aptek, özəl klinika və xəstəxanalar, poliklinikalara getməyin

- Həyətlərdə qonşularla oturub saatlarla söhbət etməyin

- Mümkün qədər qohumların evinizə gəlib getməsini, qalmasını əngəlləyin

- Kafe, restoran, çayxana, ticarət mərkəzlərinə girməyin

- Gün ərzində ünsiyyətdə olduğunuz insanların sayı 5-6 nəfəri keçməsin

- Harada topa insan gördünüz, oradan uzaqlaşın

- Danışdığınız insanla aranızda 1 metr məsafə olsun

- Bütün rejiminizi sərt şəkildə tənzimləyin

- Heç kimlə öpüşüb-görüşməyin

- Adam olmayan yerlərdə gəzərək gün ərzində iki saat hava və gün vannası alın

- Evdən çıxmamaq şansı olan işləməyən insanlar bacardıqca evdə qalıb hamı ilə, hətta qonşularla belə ünsiyyəti kəssin

- Yas, məclis, ad günü və yığıncaqlar təşkil etməyin və getməyin

- Özünüzü minimum 40 gün tam izolə edin və ciddi qorunun. Hər gün hər addımızını nəzarətdə saxlayın

- Dözün, bu da keçəcək. Xəstələnsəniz, həkim yardımı görməyə də bilərsiniz".

Mövzu:
Azərbaycanda koronavirus: son xəbərlər (220)

Əlaqədar

Cəbhədə görünməyən düşmənlə üz-üzə: Yoluxma və ölüm hallarını necə azaltmaq olar?
ÜST-ün Azərbaycan nümayəndəsi azərbaycanlıların qınaq hədəfi oldu
Normal həyata qayıtmaq üçün... bir il gərəkdir
Ədalət Rüstəm: "Bu əməliyyat Bəhram Bağırzadənin həyatını xilas edə bilər"
Koronavirusa yoluxanların hər dördündən biri bu ölkənin vətəndaşıdır

Əsas mövzular