BAKI, 8 aprel — Sputnik. Bu gün koronavirusla bağlı 3 mindən artıq müayinə aparılıb, 105 nəfərdə koronavirus aşkarlanıb.
Sputnik Azərbaycan-ın məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın keçirdiyi mətbuat konfransında deyib. Onun sözlərinə görə, bu rəqəmlərin içərisində Naxçıvanda aşkar olunan hallar da var. "Bu gün 19 nəfər sağalaraq evə yola salınıb. Ümumilikdə ölkədə 822 nəfər koronavirusda yoluxub. Bu günə qədər 53 mindən artıq test icra olunub".