BAKI, 6 aprel — Sputnik. Koronavirus infeksiyasına (COVID-19) yoluxanların sayı günü-gündən artsa da, bəzi insanlar hələ də bu virusa yoluxanlar arasında dost-tanış axtarır, öz yaxınları, tanıdıqları olmasa, virusun tüğyan etdiyinə inanmaq istəmirlər. Ən qəribə məqam isə COVID-19-a yoluxanların adlarının açıqlanmasına dair tələblərdir.
TƏBİB ölkəmizdə COVID-19-a yoluxanların adının gizli saxlanmasına aydınlıq gətirib. Sputnik Azərbaycan-ın məlumatına görə, TƏBİB-in İdarə Heyətinin sədri Ramin Bayramlı bildirib ki, yoluxan insanların adını çəkmək tibbi etikaya sığmır: "Adlar açıqlanarsa, biz onların şəxsi hüquqlarını pozmuş oluruq. Hətta koronavirusdan sağalan insanlarla bağlı onların razılığını alıb məlumatları vermişik".
