Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

İcbari tibbi sığorta xidməti göstərilən şəxslərin 28 faizi uşaqlardır

© AFP 2023 / FRANCOIS GUILLOTБольница, фото из архива
Больница, фото из архива - Sputnik Azərbaycan
Abunə olmaq
Fərdi özəlliyi olan uşaqlarda özünə inam hissi yaradılmalı, onların təhsilinin keyfiyyəti yüksəldilməlidir. Onlar özünü təcrid olunmuş kimi deyil, cəmiyyətin aktiv bir üzvü kimi hiss etməlidirlər

BAKI, 15 fevral — Sputnik. Hazırda Azərbaycanda icbari tibbi sığorta xidməti göstərilən şəxslərin 28 faizi uşaqlardır. Sputnik Azərbaycan-ın məlumatına görə, bunu İcbari Tibbi Sığorta üzrə Dövlət Agentliyinin Regional mərkəzlərlə iş şöbəsinin müdiri Şükür Eyvazov Bakıda keçirilən Xüsusi Qayğıya Ehtiyacı Olan Uşaqlar üçün 2-ci “Fərqli fərdlər ” Konqresində çıxışı zamanı deyib.

Мальчик, страдающий аутизмом, фото из архива - Sputnik Azərbaycan
Üç yüzə yaxın autizmli uşaq sosial reabilitasiya xidmətlərindən faydalanır

Ş.Eyvazov bildirib ki, yanvarın 1-dən Azərbaycanda mərhələli şəkildə icbari tibbi sığortanın tətbiqinə başlanılıb: "Artıq 23 rayon və şəhərdə ümumilikdə 2 milyondan çox Azərbaycan vətəndaşına icbari tibbi sığorta xidməti göstərilir. Həmin şəxslərin 28 faizi uşaqlardır. Ölkədə 18 yaşına kimi uşaqlara göstərilən xidmət tam ödənişsizdir".

Ş.Eyvazovun sözlərinə görə, agentliyin tərkibində yaradılan Tibbi Ərazi Bölmələri İdarəetmə Birliyinin (TƏBİB) tabeliyinə 3000-dən çox tibb müəssisəsinin idarə edilməsi həvalə olunub. Onların arasında uşaq bərpa müalicə mərkəzləri, uşaq poliklinikaları, xəstəxanaları, psixonevroloji uşaq evləri və digər tibb müəssisələri var.

Müəllimlər autizm xəstəsi olan uşağı təhqir etdilər və...

O, bu gün xüsusi qayğıya ehtiyacı olan uşaqların dövlət tərəfindən hərtərəfli qayğı ilə əhatə olunduğunu vurğulayıb. Eyvazovun sözlərinə görə, fərdi özəlliyi olan uşaqlarda özünə inam hissi yaradılmalı, onların təhsilinin keyfiyyəti yüksəldilməlidir. Onlar özünü təcrid olunmuş kimi deyil, cəmiyyətin aktiv bir üzvü kimi hiss etməlidirlər: "Təsadüfi deyil ki, İcbari Tibbi Sığorta üzrə Dövlət Agentliyi yaradılandan onun fəaliyyətinin ilk istiqamətlərindən biri uşaqların sağlamlığının təmin edilməsi olub".

Xəbər lenti
0