06:31 22 Sentyabr 2019
Canlı yayım
  • USD1.7000
  • RUB0.0265
  • EUR1.8799
Ürək ağrısı

Döş xərçəngi, diabet və işemiyanın ilkin səbəbi açıqlandı - ofis işçiləri üçün xəbərdarlıq

CC0 / Pexels / Heartache
SƏHİYYƏ
Qısa URL
76 0 0

"Fiziki yüklənmə rasional olmalı, heç bir halda insana zərər vurmamalıdır"

BAKI, 11 avqust — Sputnik. Döş və bağırsaq xərçəngi, diabet və ürəyin işemik xəstəliklərinin əsas səbəbi açıqlanıb.

Hər üç işemik xəstəlik halından biri mütləq kifayət qədər fiziki aktivliyin olması səbəbindən yaranır. Sputnik Azərbaycan RİA-Novosti-yə istinadən bildirir ki, bu barədə Rusiya Səhiyyə nazirinin müavini Oleq Salaqay özünün Facebook səhifəsində yazıb.

"Ümumdünya Səhiyyə Təşkilatının məlumatına görə, fiziki aktivliyin olmaması dünyadakı ölümlərin 6%-nin səbəbidir, - nazir müavini qeyd edib. - Əgər konkretləşdirsək, döş və bağırsaq xərçəngi xəstəliklərinin 25%-ə qədəri, diabetin 27%-i və ürəyin işemik xəstəliyi hallarının təxminən 30%-i passiv həyat tərzi keçirilməsi səbəbindən yaranır".

Salaqay qeyd edib ki, fiziki aktivlik hər bir insanın həyatının vacib hissəsinə çevrilməlidir: "Ancaq fiziki yüklənmə rasional olmalı, heç bir halda insana zərər vurmamalıdır". 

Müntəzəm olaraq idmanla məşğul olmaq, nazir müavininin fikrincə, hipertoniya, ürək-damar, bəzi onkoloji xəstəliklərin, depressiyanın qarşısını alır, insanın ümumi vəziyyətini yaxşılaşdırır.

Teqlər:
ürək-damar xəstəlikləri, diabet, süd vəzinin xərçəngi, xərçəng riski, xərçəng, xəstəlik

Əsas mövzular