Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

Ümumdünya Səhiyyə Təşkilatı Azərbaycandakı vəziyyəti dəyərləndirdi

© AFP 2023 / FABRICE COFFRINIÜmumdünya Səhiyyə Təşkilatının loqosu, arxiv şəkli
Ümumdünya Səhiyyə Təşkilatının loqosu, arxiv şəkli - Sputnik Azərbaycan
Abunə olmaq
Son üç ildə Azərbaycanda səhiyyə xidmətlərinin keyfiyyətini qaldırmaq və səhiyyədə fərdi ödəmələri azaltmaq üçün böyük işlər görülür

BAKI, 1 avqust — Sputnik. Ümumdünya Səhiyyə Təşkilatının Azərbaycandakı nümayəndəliyi səhiyyə sistemində dəyişikliklərlə bağlı Azərbaycan hökumətini dəstəkləmək üçün dəvət olunan dördgünlük missiyanın nəticələri ilə bağlı "dəyirmi masa" keçirib. Sputnik Azərbaycan-ın xəbərinə görə, mütəxəssislərdən ibarət missiya ilkin səhiyyə xidmətlərini müasirləşdirmək və gücləndirmək üçün səy göstərir.

Basının üzərində Zəm-zəm suyu gəzdirən adam, arxiv şəkli - Sputnik Azərbaycan
Ümumdünya Səhiyyə Təşkilatından Zəm-zəm suyu ilə bağlı inanılmaz məlumat

Tədbir Səhiyyə Nazirliyi, İcbari Tibbi Sığorta üzrə Dövlət Agentliyi, Tibb Universiteti, İctimai Səhiyyə və İslahatlar Mərkəzi, Bakı Şəhər Baş Səhiyyə İdarəsi, Həkimləri Təkmilləşdirmə İnstitutu, Milli Məclis, BMT agentlikləri, digər beynəlxalq təşkilatlar və səfirlik nümayəndələrini bir araya gətirib.

"Azərbaycan səhiyyə sisteminin, xüsusilə ilkin səhiyyə xidmətlərinin gücləndirilməsi üçün ciddi addımlar atır və Ümumdünya Səhiyyə Təşkilatı mütəxəssislərinin köməyilə bu məsələdə ölkəyə yardım göstərməkdən qürur duyur", – ÜST-ün Azərbaycandakı nümayəndəsi və ölkə ofisinin rəhbəri Dr. Hande Harmancı açılış nitqində bildirib.

"Bu missiya dəyişməkdə olan yeni sistemi müşahidə etmək və layihənin müvəffəqiyyətlə həyata keçməsi istiqamətində ÜST-ün tövsiyələrinin hazırlanması üçün böyük imkandır. Güclü səhiyyə sistemi dayanıqlı inkişafın təməlidir, o cümlədən hər kəsin istədiyi və layiq olduğu firavan gələcək üçün əsas şərtdir", – Dr. Hande Harmancı sözünü tamamlayıb.

O qeyd edib ki, son üç ildə Azərbaycanda səhiyyə xidmətlərinin keyfiyyətini qaldırmaq və səhiyyədə fərdi ödəmələri azaltmaq üçün böyük işlər görülür.

Bərdə rayonu Mərkəzi Xəstəxanasının Təcili və Təxirəsalınmaz Tibbi Yardım avtomobili - Sputnik Azərbaycan
SƏHİYYƏ
Təcili yardım xidmətinin baş həkimi Səhiyyə Nazirliyinin hərəkətinə mat qalıb

Bu ilin əvvəlindən ÜST peşəkar bələdçiliyi və texniki bilikləri ilə birbaşa müşahidə imkanları yaradaraq milli texniki ekspertlərin təcrübəsi və öz mütəxəssislərindən ibarət texniki missiyanın tövsiyələri ilə Azərbaycanı bu sahədə dəstəkləyir.

Növbəti addım Azərbaycana uyğun ən yaxşı modeli hazırlamaq üçün ilkin səhiyyə xidmətlərinin gücləndirilməsi ilə bağlı pilot layihə üzərində işləməkdir. İlkin səhiyyə xidmətləri hər kəsin ilk təmasda olduğu xidmətdir və burada xəstəliklərin böyük bir hissəsini daha yaxşı aşkar və müalicə etmək imkanı olduğundan böyük əhəmiyyət daşıyır.

Xəbər lenti
0